ەربول بەگىموۆتىڭ العاشقى ماماندىعى – زاڭگەر. الايدا تاعدىر ونى مۇلدە باسقا باعىتقا بۇردى. ول 30 جاسىندا كورۋ قابىلەتىنەن ايىرىلعان. «باسىندا نە ىستەرىمدى بىلمەي, ءبىراز داعداردىم. بىراق كەيىن جامبىل وبلىستىق كوزى كورمەيتىن جانە ءالسىز كورەتىن ازاماتتار كىتاپحاناسىنا كەلىپ, برايل قارپىن ۇيرەنۋگە مۇمكىندىك بار ەكەنىن ءبىلدىم. وسىلايشا, وقۋدى باستاپ, كەيىن ءوزىم دە وسى سالادا جۇمىس ىستەي باستادىم, دەيدى ول. قازىرگى تاڭدا قاريا كوزى كورمەيتىن جانداردى وقىتۋ ىسىمەن دە اينالىسادى. ول كىتاپحانا جانىنان «برايليست», «زاعيپ جانە كومپيۋتەر» اتتى ەكى ۇيىرمە اشىپ, وندا ارنايى كۋرستار وتكىزەدى.
