فوتو: سۋ رەسۋرستارى جانە يرريگاتسيا مينيسترلىگىنىڭ ءباسپاسوز قىزمەتى
اتالعان كورسەتكىش – 208 مىڭنان استام تۇرعىنى بار 146 ەلدى مەكەندى اۋىزسۋمەن قامتۋ ساپاسىن جاقسارتۋعا جانە 4 اۋىلدى ورتالىقتاندىرىلعان اۋىزسۋ جۇيەسىنە قوسۋعا مۇمكىندىك بەرمەك.
ۆەدومستۆونىڭ مالىمەتىنشە, 8 ينفراقۇرىلىمدىق جوبانى اياقتاۋ ناتيجەسىندە 536 شاقىرىم سۋ قۇبىرى سالىنادى.
اقمولا وبلىسىندا كراسنايا پوليانا, پەتريكوۆكا, اربۋزينكا اۋىلدارىندا توپتىق سۋ قۇبىرى سالىنىپ جاتىر.
قىزىلوردا وبلىسىندا بايقوجا توپتىق سۋ قۇبىرى رەكونسترۋكتسيادان ءوتىپ جاتسا, ارال اۋدانىندا ارال-سارىبۇلاق توپتىق سۋ قۇبىرىنا قوسىلاتىن قوسامان-اقباستى جەلىسىن سالۋ, ال اقباستى ەلدى مەكەنىن ورتالىقتاندىرىلعان سۋ جۇيەسىنە قوسۋ جانە جاڭاقورعان اۋدانىندا تالاپ توپتىق سۋ قۇبىرىنىڭ قۋاتىن ارتتىرۋ ءۇشىن قوسىمشا ۇڭعىمالار قازىلىپ جاتىر.
سولتۇستىك قازاقستان وبلىسىندا بۋلاەۆ جانە ەسىل توپتىق سۋ قۇبىرلارىن رەكونسترۋكتسيادان وتكىزۋ قولعا الىنعان.
ۇلىتاۋ وبلىسىندا ساتباەۆ قالاسى مەن ونىڭ ماڭىنداعى بارلىق ەلدى مەكەندەردى ساپالى اۋىزسۋمەن قامتاماسىز ەتۋگە مۇمكىندىك بەرەتىن ەسقۇلا توپتىق سۋ قۇبىرىنىڭ قۇرىلىسى اياقتالۋعا جاقىن.
