فوتو: kzvesti.kz
«يندەر اۋدانىنداعى قۇرىلىس اۋىلىنىڭ تۇرعىندارى 5 جىل بۇرىن الكوگولدىك ىشىمدىكتەن باس تارتقان ەدى. تۇرعىنداردىڭ وسىنداي يگى قادامىنىڭ ناتيجەسىندە سوڭعى 1 جىلدا بۇل اۋىلدا بىردە-ءبىر قىلمىس تىركەلگەن جوق. بۇل وزگە اۋداندارداعى اۋىلداردىڭ تۇرعىندارىنا وڭ ىقپال ەتتى. اتىراۋ وبلىسىندا بيىلعى 20 اقپانعا دەيىن تۇرعىندارى ىشىمدىك ىشپەيتىن اۋىلداردىڭ سانى 54-كە جەتتى», دەپ حابارلادى دەپارتامەنتتىڭ ءباسپاسوز قىزمەتى.
قىزىلقوعا اۋدانىنىڭ 17 اۋىلى ىشىمدىك ىشپەۋدەن الدىڭعى لەكتە تۇر. رەسەي فەدەراتسياسىمەن شەكارادا ورنالاسقان قۇرمانعازى اۋدانىندا وسىنداي 16 اۋىل بار.
سونداي-اق ماحامبەت اۋدانىندا 7, يساتايدا – 6, يندەردە – 4, جىلىويدا – 3, ماقات اۋدانىندا 1 اۋىلدىڭ تۇرعىندارى ىشىمدىكتەن باس تارتقان.
يندەر اۋدانى, قۇرىلىس اۋىلىنداعى ازىق-ت ۇلىك دۇكەنىنىڭ ساتۋشىسى اسەل يمانعاليەۆانىڭ ايتۋىنشا, اۋىلداعى ەكى ساۋدا نۇكتەسىندە تەك كۇندەلىكتى تۇتىناتىن تاعامدار عانا ساتىلادى.
«اراق پەن تەمەكىنىڭ كەسىرىنەن دەنساۋلىعىنان ايىرىلىپ, تاعدىرى تالكەككە تۇسكەن ادام كوپ. الكوگول ونىمدەرى ادامدى جامان ارەكەتكە اۋەس ەتەدى. سول سەبەپتەن, اۋىل تۇرعىندارىنىڭ باستاماسىن قولداپ, دۇكەندە تەك ازىق-ت ۇلىكتى عانا ساتۋعا شەشىم قابىلدادىق», دەيدى ساتۋشى.
