جاقسى داستۇرگە اينالعان بۇل تۋرنيرگە ونىڭ ارىپتەستەرى, دوستارى, ديپلوماتتار مەن وتباسى مۇشەلەرى جينالدى. قاتىسۋشىلار ءۇشىن بۇل جاي عانا جارىس ەمەس, قازاقستاننىڭ سىرتقى ساياساتىن دامىتۋعا جانە ونىڭ حالىقارالىق بەدەلىن نىعايتۋعا زور ۇلەس قوسقان كورنەكتى تۇلعانى ەسكە الۋ مۇمكىندىگى.
بيعالي تۇراربەكوۆ ءوزىنىڭ تاماشا ديپلوماتيالىق مانسابىمەن عانا ەمەس, سونىمەن قاتار سپورتقا دەگەن سۇيىسپەنشىلىگىمەن دە تانىمال بولدى. ول ۆولەيبول جانە ۇستەل تەننيسىمەن كاسىبي تۇردە اينالىسقانىمەن, بيليارد ويىنىن ەرەكشە ۇناتاتىن.
ونىڭ ءومىرى – وتانعا قىزمەت ەتۋدىڭ, ءوز ۇستانىمدارىنا دەگەن ادالدىقتىڭ جارقىن ۇلگىسى. ول سوناۋ 1991 جىلى دۇنيەجۇزىندەگى قازاقستاندىقتاردىڭ قۇقىقتارىن قورعاۋدى قامتاماسىز ەتىپ, تاۋەلسىز قازاقستاننىڭ كونسۋلدىق قىزمەتىنىڭ نەگىزىن قالادى. ونىڭ جەتەكشىلىگىمەن ازىرلەنگەن قۇجاتتار قازاقستان رەسپۋبليكاسى سىرتقى ىستەر مينيسترلىگىنىڭ كونسۋلدىق قىزمەتىندە ءالى دە قولدانىلىپ كەلەدى.
بيعالي شارىپقالي ۇلىنىڭ بەيجىڭدەگى جۇمىسى, سونىڭ ىشىندە قازاقستان ەلشىلىگىنىڭ اشىلۋى قىتايمەن سەنىم كوپىرلەرىن نىعايتتى. سونىمەن قاتار قحر-داعى ەتنيكالىق قازاقتارمەن تىعىز بايلانىس ورناتىپ, ولاردىڭ تاريحي وتانىمەن بايلانىسىن ساقتاۋعا كومەكتەستى.
بيعالي شارىپقالي ۇلى قازاقستاننىڭ مەملەكەتتىك شەكاراسىن دەليميتاتسيالاۋ جانە دەماركاتسيالاۋ ماسەلەلەرى بويىنشا كەلىسسوزدەردەگى نەگىزگى تۇلعالاردىڭ ءبىرى بولدى. كورشىلەس ەلدەرمەن كەلىسسوزدەر جۇرگىزۋدە ۇكىمەتتىك دەلەگاتسيالاردى باسقارىپ, ۇلتتىق مۇددەنى تاباندىلىقپەن قورعادى.
وسىنداي وراسان ەڭبەگىنە وراي «ەرەن ەڭبەگى ءۇشىن» مەدالىمەن ماراپاتتالعان. ونىڭ شانحاي ىنتىماقتاستىق ۇيىمىنداعى قىزمەتى قازاقستاننىڭ الەمدىك ارەناداعى مۇددەسىنە ادال قىزمەتىنىڭ جالعاسى ەدى.
ول «قازاقستان رەسپۋبليكاسىنىڭ مەملەكەتتىك شەكاراسى تۋرالى اقيقات» كىتابىنىڭ اۆتورلارىنىڭ ءبىرى بولىپ ەسەپتەلەدى. بۇل كىتاپ زاماناۋي ديپلوماتيا, كەلىسسوزدەر جانە ەگەمەندى مەملەكەتتىڭ قالىپتاسۋى تۋرالى وقۋلىق رەتىندە بۇگىندە كەڭىنەن قولدانىلادى.
«مەنىڭ اكەم بيلياردتى جاقسى كورەتىن», - دەپ ەسكە الادى ديپلوماتتىڭ قىزى جانەت تۇراربەكوۆا. - قاتارىنان 15-ءشى رەت وتكىزىلىپ وتىرعان بۇل تۋرنير ونى ەسكە الۋعا, ونىڭ ومىرگە قۇشتارلىعى مەن تۋعان جەرگە سۇيىسپەنشىلىگىن, دوستىقتىڭ قادىرىن بىلەر قاسيەتىن قۇرمەتتەۋدىڭ تاماشا ءتاسىلى. ءبىز ءۇشىن بۇل جاي عانا جارىس ەمەس, اكەمىزدىڭ ەستەلىكتەرىن جانە ونى بىلەتىن, باعالايتىن ادامدارمەن بايلانىستى ساقتاۋ مۇمكىندىگى. بيليارد ءتۋرنيرى ونىڭ مۇراسىن ساقتاۋدىڭ ماڭىزدى بولىگىنە اينالدى جانە بۇل ءداستۇر جالعاسىن تابادى دەپ ۇمىتتەنەمىز. سەبەبى, بيعالي شارىپقالي ۇلى تۇراربەكوۆ سىندى ءبىرتۋار قازاقستاندىقتاردىڭ ەڭبەگى تۋرالى جاستار حاباردار بولۋى كەرەك».
بيىلعى جىلى تۋرنيرگە 30-دان استام ادام قاتىستى, ولاردىڭ اراسىندا كورشىلەس مەملەكەتتەردىڭ كونسۋلدارى, قازاقستان رەسپۋبليكاسى سىرتقى ىستەر مينيسترلىگىنىڭ قىزمەتكەرلەرى, سونداي-اق ديپلوماتيالىق قىزمەتتىڭ ارداگەرلەرى جانە باسقا دا ۇيىمداردىڭ قىزمەتكەرلەرى بولدى. بۇل دودادا ح. نيشانباەۆ مىرزا جەڭىمپاز اتانسا, ەكىنشى ورىندى س. ورۋمباەۆ, ءۇشىنشى ورىندى ۆ.تۋرديەۆ مىرزالار ءبولىستى.
سايىس جايلى جانە جاعىمدى اتموسفەرادا ءوتتى. قاتىسۋشىلار بيعالي شارىپقالي ۇلىن ەسكە الا وتىرىپ, ونىڭ جارقىن مىنەزىن, كاسىبي شەبەرلىگىن, ادامي قاسيەتتەرىن پاش ەتەتىن اڭگىمەلەرىمەن ءبولىستى. بيعالي تۇراربەكوۆ كەمەڭگەر ديپلومات قانا ەمەس, ومىرگە قۇشتار, دوستىقتىڭ قادىرىنە جەتەر ادال دوس بولا بىلگەن ازامات. ديپلوماتتىڭ بيلياردقا دەگەن سۇيىسپەنشىلىگى ونىڭ ەرەكشە تۇلعاسىنىڭ سيمۆولىنا اينالدى. ونى ەسكە الۋعا ارنالعان جىل سايىنعى تۋرنير – سپورت جاناشىرىن باعالايتىن جانداردىڭ باسىن قوساتىن تاماشا داستۇرگە اينالدى.
