3 اقپاندا تۇركىستان وبلىسىنىڭ كەنتاۋ-تۇركىستان تاسجولىنىڭ 5-شاقىرىمىندا اۋدي ماركالى ەكى بىردەي كولىكتىڭ قاتىسۋىمەن جول اپاتى ورىن الىپ, سوڭىنان ءورت شىقتى.
- الدىن الا مالىمەتتەر بويىنشا جەڭىل كولىكتەردىڭ ءبىرىنىڭ جۇرگىزۋشىسى قارسى جولاققا شىعىپ, ەكىنشىسىمەن سوقتىعىسقان. اپات سالدارىنان 6 ادام قازا تاۋىپ, 4 ادام ءتۇرلى دەنە جاراقاتتارىمەن كەنتاۋ قالاسىنىڭ مەديتسينالىق مەكەمەسىنە جاتقىزىلدى, - دەدى تۇركىستان وبلىسى پد ءباسپاسوز قىزمەتىندە.
قازىرگى ۋاقىتتا وقيعانىڭ بارلىق ءمان-جايلارى انىقتالىپ, سوتقا دەيىنگى تەرگەۋ امالدارى جۇرگىزىلىپ جاتىر. ونىڭ ناتيجەسىمەن پروتسەستىك شەشىم قابىلداناتىن بولادى.
تۇركىستان وبلىسىنىڭ پوليتسيا دەپارتامەنتى جۇرگىزۋشىلەردى جول ەرەجەسىنىڭ تالاپتارىن ساقتاۋعا, جىلدامدىقتى اسىرماۋعا جانە قارسى جولاققا شىقپاۋعا شاقىرادى.
