التى تومدىق كىتاپتا مەملەكەت قايراتكەرى, فيلولوگيا عىلىمدارىنىڭ دوكتورى, پروفەسسور مىرزاتاي جولداسبەكوۆتىڭ 1993-2018 جىلدار ارالىعىن قامتيتىن كۇندەلىك جازبالارى جيناقتالعان.
بۇل جازبالاردا حالىقارالىق قاتىناستىڭ قالىپتاسىپ, دامۋى, ەل مۇددەسىنە قاتىستى تاريحي شەشىمدەردىڭ قابىلدانۋى, اۆتوردىڭ قازاقتىڭ تاريحىن, مادەنيەتى مەن ونەرىن, ادەبيەتىن, سالت-ءداستۇرىن, عىلىمى مەن ءبىلىمىن دامىتۋعا قوسقان ۇلەسى, ەلدىڭ الەۋمەتتىك-ەكونوميكالىق جاعدايى, ىشكى, سىرتقى ساياسي احۋالى, ۇلتارالىق قاتىناس ماسەلەلەرى, سونداي-اق ادامگەرشىلىك پەن ۇلتتىق تاربيە تۋرالى ويلارى دا قامتىلعان.
كىتاپ تانىستىرىلىمى بارىسىندا مادەنيەت جانە اقپارات ءمينيسترى ايدا بالاەۆانىڭ قۇتتىقتاۋ حاتى وقىلدى.
التى تومدىق جيناعىڭىز – تاۋەلسىز ەلىمىزدىڭ تاريحىن تانۋعا, ۇلتتىق قۇندىلىقتارىمىزدى باعالاۋعا جانە رۋحاني الەمىمىزدى كەڭەيتۋگە قوسىلعان سۇبەلى ۇلەس. وتكەن ءداۋىردىڭ ماڭىزدى وقيعالارى, حالقىمىزدىڭ باسىنان وتكەن تاعدىرلى كەزەڭدەرى شىنايى باياندالعان تۋىندىنىڭ وسكەلەڭ ۇرپاققا بەرەر تاعىلىمى زور بولارى انىق. بۇل ەڭبەك – تەك ءسىزدىڭ عۇمىر جولىڭىزدىڭ ايناسى عانا ەمەس, بۇكىل قازاق ەلىنىڭ تاريحى مەن رۋحاني مۇراسىن بايىتاتىن قۇندى دۇنيە. سوندىقتان جاڭا كىتاپتارىڭىز بولاشاق ۇرپاققا باعدار بولاتىن, ەلدىك پەن ەرلىكتىڭ ءمانىن ۇقتىراتىن ماڭىزدى شىعارمالاردىڭ ءبىرى بولارىنا سەنىمدىمىن, – دەلىنگەن قۇتتىقتاۋ حاتىندا.
ءىس-شاراعا بەلگىلى قوعام جانە مەملەكەت قايراتكەرلەرى, اقىن-جازۋشىلار, باق وكىلدەرى, جۋرناليستەر, وقىرماندار قاتىستى.
