فوتو: almaty.tv
بەرىك اسىلوۆتىڭ ايتۋىنشا, № 49 مەكتەپتىڭ قازاق ءتىلى ءپانىنىڭ مۇعالىمى ق. ايتقاليەۆتىڭ جاراقات الۋىنا بايلانىستى ءىس قىلمىستىق كودەكستىڭ «اۋىر زارداپتارعا اكەپ سوققان بيلىكتى نەمەسە لاۋازىمدىق وكىلەتتىكتەردى اسىرا پايدالانۋ» تۋرالى 632-بابى 4-بولىگى بويىنشا قارالىپ جاتىر.
تەرگەپ - تەكسەرۋ بارىسىندا مۇعالىمدەردى كاسىبي مىندەتتەرىنەن تىس جۇمىسقا تارتقان لاۋازىمدى تۇلعالاردىڭ قاتارىندا قالا اكىمىنىڭ ورىنباسارى ا. حامزاەۆ تا بولعانى انىقتالعان.
«قازىرگى كەزدە جəبىرلەنۋشى ق. ايتقاليەۆ ەمدەلۋ مەكەمەسىنەن شىعىپ, ۇيدە جالپى پراكتيكا دəرىگەرىنىڭ پاتروناجىن الدى (09.01.2025ج.). جالپى جاعدايى تۇراقتى. سونىمەن قاتار شىرشانى بەزەندىرۋگە باسقا دا مۇعالىمدەردى زاڭسىز تارتۋعا جول بەرگەن مەكتەپ (№19 جəنە №40) ديرەكتورلارى ا. ءجۇنىسوۆا مەن گ. سۇلەيمەنوۆا تəرتىپتىك جاۋاپكەرشىلىككە تارتىلىپ, سوگىس العان. ال قالالىق ءبىلىم ءبولىمىنىڭ باسشىسى ب.بۋلاباەۆ قىزمەتىنەن بوساتىلدى», دەلىنگەن بەرىك اسىلوۆتىڭ جاۋابىندا.
ەڭبەك ينسپەكتسياسى كوميتەتىنىڭ وبلىستىق دەپارتامەنتى جازاتايىم وقيعا بويىنشا ارنايى تەرگەپ-تەكسەرۋ جۇرگىزىپ, ق. ايتقاليەۆتىڭ جاراقات الۋىنا جۇمىس بەرۋشىنى تولىق كىنالى دەپ تانىعان.
