بۇل ونەر تۋىندىسى ءارتۇرلى ءتۇستى كۇرىش سورتتارىن بەلگىلى ءبىر تارتىپپەن ەگىپ, ۇلكەن كولەمدى سۋرەتتەر جاساۋ ارقىلى ورىندالادى. بيىكتىكتەن قاراعاندا بەدەرلى بەينەلەر ەرەكشە اسەرگە بولەيدى. اۋىل شارۋاشىلىعى مەن ونەردىڭ ۇشتاسقان تۇسى دا – وسى. اتالعان ءداستۇر العاش رەت 1993 جىلى يناكادا اۋىلىندا باستالىپ, بۇگىندە بۇكىل ەلگە تانىمال بولدى.
ىڭعايسىز دۇكەن
قىتايدىڭ حۋان پروۆينتسياسىنداعى سينيۋچجاي ۇلتتىق گەولوگيالىق پاركىندە الپينيستەرگە ارنالعان ەرەكشە دۇكەن بار.
ەرەكشەلىگى سول, بۇل دۇڭگىرشەك 120 مەتر بيىكتىكتە, تىك جارتاستىڭ شەتىندە ورنالاسقان. ساتۋشى جۇمىس ورنىنا جەتۋ ءۇشىن ءوزى دە وسىندا ورمەلەپ شىعۋعا ءماجبۇر. كەيدە دۇكەنشى بولماعان جاعدايدا الپينيستەر QR-كود ارقىلى تولەم جاساپ, قالاعان زاتىن ساتىپ الادى.
ەگىزدەر اۋىلى
ءۇندىستاننىڭ كەرالا شتاتىنداعى كودينحي اۋىلى الەمگە «ەگىزدەر ەلى» دەگەن اتاۋمەن تانىمال.
ويتكەنى مۇندا قازىر 500-دەن استام ەگىز بار. عالىمداردىڭ ايتۋىنشا, وسىناۋ ەرەكشە قۇبىلىستىڭ سەبەبى گەنەتيكادان بۇرىن, سول اۋىلدىڭ تابيعاتىنا بايلانىستى. تاعى ءبىر تاڭعالارلىعى, دۇنيە ءجۇزىنىڭ باسقا جەرلەرىمەن سالىستىرعاندا بۇل ەلدى مەكەندە ەگىزدەر التى ەسە جيىرەك ومىرگە كەلەدى ەكەن.
