فوتو: gov.kz
مينيستر ءوزىنىڭ جاڭا قىزمەتىن سۋديالىق جۇمىسىمەن بىرىكتىرە المايدى, سوندىقتان سەناتورلار ونى كونستيتۋتسيالىق سوتتاعى قىزمەتىنەن بوساتۋدى ۇسىندى.
سەنات توراعاسى ماۋلەن اشىمباەۆ پرەزيدەنت جارلىعىمەن جاقىندا عانا تاعايىندالعان كونستيتۋتسيالىق سوت سەناتىنىڭ سۋدياسى ەرلان سارسەمباەۆتىڭ ادىلەت ءمينيسترى بولىپ تاعايىندالعانىن اتاپ ءوتتى.
«كونستيتۋتسيالىق سوت تۋرالى كونستيتۋتسيالىق زاڭعا جانە سەنات رەگلامەنتىنە سايكەس كونستيتۋتسيالىق سوت سۋدياسىنىڭ وكىلەتتىگىن توقتاتۋ تۋرالى قاۋلى قابىلداۋىمىز قاجەت. ەرلان جاقسىلىق ۇلىنىڭ سۋديا رەتىندەگى ەڭبەگىنە ريزاشىلىعىمىزدى ءبىلدىرىپ, الداعى قىزمەتىنە ساتتىلىك تىلەيمىز», دەدى ماۋلەن اشىمباەۆ.
ەسكە سالايىق, ەرلان سارسەمباەۆ 2023 جىلدىڭ 1 قاڭتارىنان باستاپ كونستيتۋتسيالىق سوتتىڭ سۋدياسى بولىپ جۇمىس ىستەدى. 2025 جىلدىڭ 9 قاڭتارىندا ادىلەت ءمينيسترى بولىپ تاعايىندالدى.
بۇعان دەيىن ادىلەت ءمينيسترى قىزمەتىن ازامات ەسقاراەۆ اتقارعان ەدى.
