سايىس ۇيىمداستىرىلعان ويمياكون اۋىلى – الەمدەگى ەڭ سۋىق ەلدى مەكەننىڭ ءبىرى. مۇندا سىناپ باعاناسى 1933 جىلى – 67,7 گرادۋستى كورسەتكەن. جالپى, مارافوندا رەسەيدىڭ تۇكپىر-تۇكپىرىنەن كەلگەن 50 شاقتى مارافونشى باق سىنادى. ولاردىڭ اراسىندا اۋەسقوي ءارى كاسىبي سپورتشىلار دا بار. قاتىسۋشىلار مارافوننىڭ ءبىرىنشى كۇنى 5, 10, 15, 20 شاقىرىمدىق قاشىقتىقتى جۇگىرىپ ءوتتى. ال ەكىنشى كۇنى 42-50 شاقىرىمدىق مارە سىزىعىن باعىندىردى.
جۇرەك جۇتقان
الەمنىڭ ءۇش دۇركىن چەمپيونى ياان رۋز تاعى ءبىر بەلەستى باعىندىردى. ەستونيالىق سلەكلاينەر دۋبايداعى ءزاۋلىم عيماراتتاردىڭ اراسىن جالعاعان 224 مەتر بيىكتىكتەگى ارقاننىڭ ۇستىمەن ءجۇرىپ ءوتتى.
كەرىلگەن ارقاننىڭ ۇزىندىعى شامامەن 100 مەتر. سپورتشى بۇل جەتىستىگىن ءۇش مارتە قايتالاعان. ايتا كەتەيىك, بىرەر جىل بۇرىن ياان رۋز ءبىزدىڭ ەلگە دە كەلىپ, ايگىلى بوزجىرا شاتقالىنداعى «قوس ازۋدىڭ» اراسىن جالعاعان اسپالى ارقانمەن ءجۇرىپ ءوتتى.
قىلمىستى انىقتايتىن قۇرىلعى
اقش-تاعى سوت جۇيەسى جاڭا تەحنولوگيالاردى قولدانا باستادى. ولار كۋاگەرلەردى تىڭداپ قانا قويماي VR شلەم ارقىلى وقيعا ورنىنا «بارىپ», جاعدايدى باقىلاي الادى.
مۇنداي زاماناۋي شەشىمدەر – كۋاگەرلەردىڭ نەمەسە ايىپتالۋشىلاردىڭ سوزدەرىن تەكسەرۋگە تاپتىرماس قۇرال. بۇل ۆيرتۋالدى شىندىق بولاشاقتا سوت جۇيەسىنىڭ تولىققاندى جاڭارۋىنا ىقپال ەتۋى مۇمكىن.
