2021 جىلى نىساننىڭ العاشقى بولىگى قولدانىسقا بەرىلگەن ەدى. سودان بەرى 8,5 ميلليارد كيلوۆاتت ساعات ەلەكتر ەنەرگياسى وندىرىلگەن. ەندى ستانسا تولىقتاي ىسكە قوسىلعاننان كەيىن كومىرقىشقىل گازىنىڭ مولشەرىن جىلىنا 1 ميلليون 200 مىڭ تونناعا ازايتادى. بۇل كورسەتكىش – ەلدىڭ ەكولوگيالىق احۋالىن جاقسارتۋعا ايتارلىقتاي ىقپال ەتەتىنى انىق.
ەڭ قارت قوعام
وڭتۇستىك كورەيا رەسمي تۇردە «ەڭ قارت قوعام» ساناتىنا ەندى. ەلدە جاسى 65-تەن اسقان ادامداردىڭ سانى 10,24 ميلليونعا جەتتى. بىرىككەن ۇلتتار ۇيىمىنىڭ باعالاۋىنشا, بۇل – الەمدەگى ەڭ جوعارى كورسەتكىش.
ال بۇعان بيلىك قاتتى الاڭداۋلى. ويتكەنى وڭتۇستىك كورەيا تۋ كورسەتكىشى كۇرت ازايعان مەملەكەتتەر قاتارىندا. وعان سەبەپ – ەلدەگى ەر ادامدار وتباسى قۇرۋداعى جاۋاپكەرشىلىكتەن قاشسا, قىزدار بالالى بولۋدان گورى مانساپتى ويلايدى. سوندىقتان بيىل ۇكىمەتكە دەموگرافيالىق داعدارىستى رەتتەۋ جونىندە تاپسىرما بەرىلدى.
ۆەلوسيپەدتەر ەلى
نيدەرلاند ەلى ۆەلوسيپەد ەكسپورتتاۋدان كوش باستاپ تۇر.
گوللاندىقتار جىلىنا 1,2 ملن ۆەلوسيپەدتى شەت مەملەكەتتەرگە ساتىپ, ودان شامامەن 3 ملرد ەۋرودان استام تابىس تاۋىپ وتىر. حالقىنىڭ سانى – 17,8 ملن. ال كولىكتىڭ بۇل ءتۇرى 25 ميلليونعا جۋىق. ءبىر عانا امستەردامنىڭ وزىندە 800 000-نان اسادى. ءتىپتى تۋريستەرگە دە ارنايى ساياحات باعىتتارى ازىرلەنگەن.
