ينفوگرافيكانى جاساعان – زاۋرەش سماعۇل ,«EQ»
ۇلتتىق بىرىڭعاي تەستىلەۋ ورتالىعىنىڭ تاراتقان اقپاراتىنا سۇيەنسەك, قاڭتار ايىنداعى ۇبت 13 قاڭتار مەن 10 اقپان ارالىعىندا وتەدى. بۇعان دەيىنگى تالاپكەرلەرگە بەرىلىپ كەلگەن مۇمكىندىكتەر بيىل دا تولىعىمەن ساقتالادى, تارقاتىپ ايتقاندا, تەستىلەنۋشىلەر ءوتىنىش بەرۋ بارىسىندا ۇبت تاپسىراتىن كۇنىن, ۋاقىتىن جانە پۋنكتىن تاڭداي الادى. سونىمەن قاتار تەستىلەۋ كەزىندە كالكۋلياتور, حيميالىق ەلەمەنتتەردىڭ پەريودتىق جۇيەسى (مەندەلەەۆ كەستەسى) جانە تۇزداردىڭ ەرىگىشتىك كەستەسى تەستىلەۋ باعدارلاماسىن قولدانۋعا قۇقىلى. تەست تاپسىرۋشىلاردىڭ تەستىلەۋ اياقتالعاننان كەيىن 30 مينۋت ىشىندە اپەللياتسياعا بىردەن ءوتىنىش بەرۋگە دە قاقى بار. سەرتيفيكات اپپەلياتسيالىق كوميسسيانىڭ شەشىمىنەن كەيىن تالاپكەردىڭ جەكە كابينەتىندە شىعادى.
ۇبت-داعى پاندەردىڭ سانى وزگەرىسسىز قالادى, ياعني ۇشەۋى مىندەتتى جانە ەكەۋى تاڭداۋ بويىنشا. ۇبت تاپسىرمالار سانى – 120. مۇنىڭ ىشىندە «قازاقستان تاريحىنان» 20 تاپسىرما, «وقۋ ساۋاتتىلىعىنان» 10 تاپسىرما, «ماتەماتيكالىق ساۋاتتىلىقتان» 10 تاپسىرما جانە ەكىبەيىندى ءپان بويىنشا 40 تاپسىرمادان تۇرادى. جوعارى بالل – 140, بۇل دا وزگەرىسسىز قالدى.
تەستىلەۋ ۋاقىتى – 4 ساعات (240 مينۋت). بۇل رەتتە ەرەكشە ءبىلىم بەرۋ قاجەتتىلىكتەرى بار بالالار ءۇشىن ۇسىنىلاتىن قوسىمشا 40 مينۋت ۋاقىت ساقتالاتىنىن ايتا كەتۋ كەرەك.
ەستەرىڭىزگە سالا كەتسەك, قاڭتارداعى ۇبت-عا شارتتى تۇردە اقىلى نەگىزدە كۇندىزگى وقۋ نىسانى بويىنشا جوعارى وقۋ ورىندارىنا قابىلدانعان, جازعى ۇبت ناتيجەلەرى بويىنشا شەكتى بالل جيناماعاندار, شىعارماشىلىق باعىتتان باسقا دايىندىق باعىتتارىنا, پەداگوگيكالىق باعىتقا اقىلى نەگىزدە اۋىسقىسى كەلەتىندەر, سونداي-اق مەكتەپ بىتىرەتىن تۇلەكتەر جوعارى وقۋ ورىندارىنا اقىلى نەگىزدە ءتۇسۋ ءۇشىن قاتىسادى.
