Subaru Forester وڭ جاق جولاقپەن جوعارى جىلدامدىقپەن كەلە جاتىپ, جۇرگىزۋشىسى تايعاق جولدا كولىككە يە بولا الماي قالعان. جول جيەگىندەگى قار ءۇيىندىسى كولىكتىڭ تايعاناۋىنا سەبەپ بولۋى مۇمكىن.
جەڭىل كولىك جول جيەگىندە تۇرعان Renault جۇك كولىگىنە سوعىلعان. سوققىنىڭ كۇشتى بولعانى سونشالىق, اۋىر جۇك كولىگى العا جىلجىپ, الدىندا تۇرعان باسقا جۇك كولىگىمەن سوقتىعىسقان.
سوققىدان كەيىن Subaru قايتا سەرپىلىپ, جولدىڭ ارعى بەتىنە شىعىپ كەتىپ, وعان Audi A6 كولىگى سوعىلعان. سوققىدان Subaru كولىگىنىڭ جولاۋشىلار جاعىنا اجەپتاۋىر زاقىم كەلگەن.
جول اپاتى سالدارىنان الدىڭعى ورىندىقتاعى Subaru جولاۋشىلارىنىڭ ءبىرى سول جەردە قازا تاپقان. كولىك جۇرگىزۋشىسى مەن تاعى ءبىر جولاۋشى اۋىر جاراقات الىپ, اۋرۋحاناعا جەتكىزىلدى.
وقيعا ورنىندا جول پوليتسياسىنىڭ قىزمەتكەرلەرى مەن كريميناليستەر جۇمىس ىستەپ جاتىر. بولجام بويىنشا جۇك كولىكتەرى ەستونيادا تىركەلگەن.
رىسقۇلوۆ داڭعىلى بويىمەن شىعىس باعىتتاعى كولىك قوزعالىسى قيىنداپ, اۋداندا ۇلكەن كولىك كەپتەلىسى پايدا بولدى. وقيعانىڭ ءمان-جايى انىقتالىپ جاتىر.
