فوتو: اشىق دەرەككوز
پرەزيدەنت بۇل قاعيدانىڭ ءمان-ماڭىزى الدەقايدا تەرەڭ ەكەنىن جەتكىزدى. ياعني «زاڭ مەن ءتارتىپ» قاعيداسى قۇقىق قورعاۋ سالاسىنا عانا ارنالعان دەپ تۇجىرىمداعان دۇرىس بولمايدى.
«مەن بۇل قاعيدانى تەرەڭىرەك تۇسىنەمىن. «زاڭ مەن ءتارتىپ» – مەملەكەتتىك قۇرىلىستىڭ باستى قاعيداتى. بۇل رەتتە جازالاۋ شارالارىن قولدانۋ ارقىلى قوعامعا جاپپاي باقىلاۋ ورناتۋ تۋرالى ايتىپ وتىرعان جوقپىز. «زاڭ مەن ءتارتىپ» قاعيداتى – شىن مانىندە كەمەل دەموكراتيانىڭ تىرەگى, قۇقىقتىق مەملەكەتتىڭ نەگىزى. «زاڭ مەن تارتىپكە» باعىنباساق, قۇقىق نورمالارىنا قۇرمەتپەن قاراماساق, ادىلەتتى قازاقستاندى قۇرىپ, ونى وركەندەگەن مەملەكەت ەتە المايمىز.
سوندىقتان ءبىزدىڭ مىندەتىمىز – بۇل قاعيداتتى ەلىمىزدىڭ قۇندىلىقتار جۇيەسىنە بارىنشا كىرىكتىرىپ, حالىق بولمىسىنىڭ, قوعام ءومىرىنىڭ اجىراماس بولىگىنە اينالدىرۋ», دەدى پرەزيدەنت.
قاسىم-جومارت توقاەۆ «زاڭ مەن ءتارتىپتى» بەرىك ورنىقتىرۋ ءۇشىن كوپ ۋاقىت پەن كۇش-جىگەر قاجەت ەكەنىن ايتتى.
ء«بارى بىردەي بۇل قاعيداتتى قاتاڭ ۇستانۋعا, ونى ءومىر سالتىنا اينالدىرۋعا ءالى دايىن ەمەس. بىراق تالاپتانعان ادام قالايدا مۇراتىنا جەتەدى», دەدى مەملەكەت باسشىسى.
