فوتو: دەنساۋلىق ساقتاۋ مينيسترلىگى
دەنساۋلىق ساقتاۋ مينيسترلىگىنىڭ مالىمەتىنشە, اقتاۋ ماڭىنداعى ۇشاق اپاتىنان زارداپ شەككەن ازەربايجاننىڭ ءۇش ازاماتى ماڭعىستاۋ وبلىستىق اۋرۋحاناسىنىڭ جانساقتاۋ بولىمىندە 6 كۇن ەمدەلگەننەن كەيىن ارنايى ۇشاقپەن وتانىنا جەتكىزىلدى.
ناۋقاستاردىڭ بىرەۋى مەحانيكالىق جەلدەتۋدەن, ۆازوپرەسسوردان جانە دارىلىك سەداتسيادان اجىراتىلعان. باسقا ەكى زارداپ شەككەن ناۋقاستاردا ۆازوپرەسسوردىڭ دوزاسى ەڭ تومەنگى دوزاعا دەيىن تومەندەتىلگەن.
«قايعىلى وقيعادان كەيىن دارىگەرلەردىڭ بىلىكتى ءىس-قيمىلىنىڭ ارقاسىندا كەلىپ تۇسكەن بارلىق پاتسيەنتتەردىڭ جاعدايىنىڭ ديناميكاسى تۇراقتاندىرىلدى, ناشارلاۋ بايقالمادى. اپاتتان زارداپ شەككەن 29 ادامنىڭ 27-ءسى ماڭعىستاۋ وبلىستىق اۋرۋحاناسىنا, ەكى بالا وبلىستىق بالالار اۋرۋحاناسىنا جەتكىزىلگەن», دەلىنگەن حابارلامادا.
ەستەرىڭىزگە سالا كەتەيىك, 25 جەلتوقسان كۇنى اقتاۋدا باكۋدەن گروزنىيعا باعىت العان ازەربايجان اۋە كومپانياسىنا تيەسىلى ۇشاق اپاتقا ۇشىراعان بولاتىن.
