فوتو: تجم
برازيليا اسكەري اۋە كۇشتەرىنىڭ تەرگەۋشىلەرى Embraer 190 ۇشاعىنىڭ اپاتقا ۇشىراۋىنا قاتىستى قازاقستان بيلىگىنىڭ جۇرگىزىپ جاتقان تەرگەۋىنە تەحنيكالىق قولداۋ كورسەتپەك.
25 جەلتوقساندا «Az Airlines» اۆياكومپانياسى ۇشاعىنىڭ اپاتقا ۇشىراۋ فاكتىسى بويىنشا «قر قك ەكى نەمەسە ودان دا كوپ ادامنىڭ ابايسىزدا ولىمىنە اكەپ سوققان كولىك قۇرالىن پايدالانۋ كەزىندەگى قاۋىپسىزدىك ەرەجەلەرىن بۇزۋ» بابىمەن سوتقا دەيىنگى تەرگەپ-تەكسەرۋ امالدارى باستالعانى حابارلانعان ەدى.
ەسكە سالا كەتەيىك, 25 جەلتوقسان كۇنى اقتاۋدا باكۋدەن گروزنىيعا باعىت العان ازەربايجان اۋە كومپانياسىنا تيەسىلى ۇشاق اپاتقا ۇشىراپ, 38 ادام قازا تاپتى. ونىڭ ىشىندە قازاقستاننىڭ 6 ازاماتى بار.
