فوتو: depositphotos.com
بۇل تۋرالى كومپانيا رەسمي مالىمدەمە جاساپ, مارقۇمداردىڭ تۋعان-تۋىستارىنا كوڭىل ايتتى.
- «Azerbaijan Airlines» اۋە كومپانياسىنىڭ اپاتقا ۇشىراعان ۇشاعىندا قازا بولعان جولاۋشىلاردىڭ اراسىندا ءبىزدىڭ ارىپتەستەرىمىز دە بار ەكەنىن حابارلايمىز. باۋىرجان جۇماعۇلوۆ - «وزەنمۇنايسەرۆيس» جشس جۇمىسشىسى, 4-ءشى دارەجەلى بۇرعىش كومەكشىسى. باۋىرجان كومپانيادا 2018 جىلدان بەرى ەڭبەك ەتكەن, ءوزىن ادال جانە بىلىكتى مامان رەتىندە كورسەتىپ ۇلگەرگەن. ەكىنشى ازامات - مارقۇم ساندىبەك تولەسىنوۆ «مۇنايفيلدسەرۆيس» جشس مەحانيكالىق-ەنەرگەتيكالىق ءبولىمنىڭ ينجەنەرى. ساندىبەك بۇل سالادا 16 جىل ەڭبەك ەتكەن», دەپ حابارلادى كومپانيا.
ايتا كەتەيىك, جانتۇرشىگەرلىك وقيعا كەزىندە ۇشاق بورتىندا قازاقستاننىڭ التى ازاماتى بولعان. وكىنىشكە قاراي, ولاردىڭ بارلىعى كوز جۇمعان. مارقۇمداردىڭ اراسىندا نوتاريۋس گاۋھار شايمەردەنوۆا مەن ونىڭ 11 جاستاعى ۇلى ەلدار, قاراعاندىدا ءتىس دارىگەرى بولىپ جۇمىس ىستەگەن ساليما دجۋتاەۆا بار ەدى.
