فوتو: ۆيدەودان الىنعان كادر
«ۇشاق اپاتى سالدارىنان جاقىندارىن جوعالتقان ادامدارعا شىن جۇرەكتەن كوڭىل ايتامىز. بۇگىن ءبىزدىڭ پارتيالاستار زارداپ شەككەندەرگە قاجەتتى قان تاپسىرىپ ءجۇر. بارلىعىنىڭ تەزىرەك ساۋىعىپ كەتۋىن تىلەيمىز», دەدى «اmanat» پارتياسى «جاستار رۋحى» جاستار قاناتىنىڭ ءتورايىمى اقەركە ەسكەندىروۆا.
ەسكە سالايىق, بۇگىن باكۋدەن گروزنىيعا (J2-8243) ۇشقان ازەربايجان اۋە جولدارىنىڭ Embraer 190 جولاۋشىلار ۇشاعى اقتاۋ اۋەجايىنان ءۇش شاقىرىم جەردە اپاتقا ۇشىراعان.
توتەنشە جاعدايلار مينيسترلىگى ۇشاق بورتىندا 69 ادام, ونىڭ ىشىندە 5 ەكيپاج مۇشەسى بولعانىن حابارلادى. 28 ادام اۋرۋحاناعا جاتقىزىلدى, ونىڭ ەكەۋى بالا ەكەنى ءمالىم بولدى.
