فوتو: تۇركىستان وبلىسىنىڭ اكىمدىگى
تۇركىستان وبلىسىنىڭ اكىمى دارحان ساتىبالدى جاڭا اكىمدى اۋدان اكتيۆىنە تانىستىردى.
ەستەرىڭىزگە سالا كەتەيىك, تۇلكىباس اۋدانىنىڭ اكىمى قىزمەتىن اتقارىپ كەلگەن ىزتىلەۋوۆ نۇرجان جاقسىلىق ۇلى باسقا قىزمەتكە اۋىسۋىنا بايلانىستى قىزمەتىنەن بوساتىلدى.
«اۋداننىڭ جاڭا اكىمى دەپۋتاتتارمەن بىرلەسىپ, اۋداننىڭ الەۋمەتتىك-ەكونوميكالىق دامۋ كورسەتكىشتەرىن كوتەرۋگە جانە تۇرعىنداردىڭ ءومىر سۇرۋىنە قولايلى جاعداي جاساۋعا, پرەزيدەنتىمىزدىڭ ساياساتىن جۇيەلى تۇردە ىسكە اسىرۋعا بار كۇش-جىگەرىن جۇمسايدى دەپ سەنەمىن. باعىت ايقىن – ينۆەستيتسيا تارتۋ, ءوندىرىس ورىندارىن اشۋ, حالىقتىڭ ءال-اۋقاتىن كوتەرۋ», دەدى دارحان ساتىبالدى.
اسقار ەستىباەۆ 1974 جىلى 18 شىلدەدە تۇلكىباس اۋدانىندا دۇنيەگە كەلگەن, ءبىلىمى جوعارى. «زاڭگەر», «ەكونوميكا» ماماندىقتارى بويىنشا ءبىلىم العان.
ەڭبەك جولىن 1998 جىلى الماتى قالاسى المالى اۋداندىق سوتىنىڭ پريستاۆى بولىپ باستاعان.
2022 جىلدىڭ قازان ايىنان وسى ۋاقىتقا دەيىن تۇركىستان وبلىسى اكىمى اپپاراتى باسشىسىنىڭ ورىنباسارى بولعان.
