ەلوردالىق وقۋشى بۇعان دەيىن شاحمات ويىنىنان وتكەن «Akbulak Open-2023» حالىقارالىق تۋرنيرىندە باق سىناپ, ءۇش مارتە كۇمىس جۇلدەگەر اتانعان ەدى. ءتۇرلى الەم چەمپيوناتىنا دا قاتىسقان.
ەڭ ۇلكەن مۇزايدىن
جاقىندا عانا سانكت-پەتەربوردا اشىلعان مۇزايدىن رەسەيدىڭ رەكوردتار كىتابىنا ەندى.
28 مىڭ شارشى مەتر اۋماقتى الىپ جاتقان كەشەنگە 2 جارىم مىڭ ادام سىيادى. ەرەكشەلىگى, مۇندا قاراپايىم ادامداردان بولەك كاسىبي سپورتشىلار دا كەلەدى. بالالار ءۇيىنىڭ تاربيەلەنۋشىلەرى مەن از قامتىلعان وتباسىنىڭ وكىلدەرى اقىسىز كىرەدى. ستۋدەنتتەردى دە قامتىعان باعدارلامالار بار.
روبوت باقتاشى
اۋستراليادا سيىردى «SwagBot» دەپ اتالاتىن روبوت باعادى. ونى سيدنەي ۋنيۆەرسيتەتىنىڭ عالىمدارى 2016 جىلى جاساپ شىعارعان. بىراق جالپىعا العاش رەت ۇسىنىلىپ وتىر.
ءتورت اياقتى قۇرىلعىنىڭ جۇمىسى جاساندى ينتەللەكتىگە نەگىزدەلگەن. «سيىرلار دا ءبىلىپ العان. روبوت قايدا بارسا, ولار دا ىلەسىپ سوندا بارادى. سەنسورلارى ارقىلى توپىراقتىڭ, ءشوپتىڭ قۇرامىن, قۇنارى مەن جالپى ساپاسىن انىقتايدى. ءسويتىپ, شۇرايلى جەردى ءدال تابادى», دەيدى سيدنەي ۋنيۆەرسيتەتى روبوتتەحنيكا جانە زياتكەرلىك جۇيەلەر پروفەسسورى سالاح سۋككاريە.
