اتالعان درون ورىستەگى ءتورت ت ۇلىكتى ساناپ, تۇگەندەيدى, اۋىرىپ تۇرعان مالدى انىقتايدى, ءتىپتى وتاردان ءبولىنىپ قالعان قويدى تاۋىپ بەرەدى. ەڭ باستىسى, بۇل قۇرىلعى كەز كەلگەن اۋا رايىنا توتەپ بەرەدى. ايتا كەتەيىك, يننوۆاتسيالىق جوبا جۋىردا عانا قىتايدا وتكەن سايىستا 1 500 ستارتاپتىڭ اراسىنان توپ جارىپ, ەكىنشى ورىندى جەڭىپ الدى.
يت اس پا, دوس پا؟
وڭتۇستىك كورەيادا يت وسىرۋگە, سويۋعا جانە تاعام رەتىندە ساتۋعا تىيىم سالىندى. جاڭا زاڭ 2027 جىلى تولىق كۇشىنە ەنەدى.
ەرەجەگە سايكەس, ءيتتى سويعان قۇقىق بۇزۋشىلار 3 جىلعا دەيىن باس بوستاندىعىنان ايىرىلادى نەمەسە 22 مىڭ اقش دوللارى كولەمىندە ايىپپۇل تولەيدى. ال ونىڭ ەتىن تۇتىنۋ ءۇشىن جانۋاردى باعىپ-باپتاعاندار 2 جىلعا دەيىن تۇرمەگە توعىتىلادى, بولماسا 15 مىڭ اقش دوللارى كولەمىندە ايىپپۇل ارقالايدى.
مۇز فەستيۆالى
قىتاي كەيىنگى جىلدارى قىسقى ءتۋريزمدى دامىتۋعا كادىمگىدەي دەن قويعان. سونىڭ ارقاسىندا كورشى مەملەكەت 2030 جىلعا قاراي 200 ميلليارد دوللاردان اسا تابىس تابۋدى كوزدەيدى.
قىتايدىڭ حاربين قالاسىندا جىل سايىن وتەتىن ەرەكشە مۇز فەستيۆالىنە قىزۋ دايىندىق ءجۇرىپ جاتىر. اتالعان ءىس-شارانى كورۋگە جىل سايىن مىڭداعان تۋريست ايماققا اعىلادى. بيىلعى فەستيۆالدە كەلۋشىلەر نازارىنا 260-تان استام مۇزدى ءمۇسىن ۇسىنىلماق. ول 1 ميلليون شارشى مەتر اۋماقتى قامتيدى. ايتا كەتەيىك, اۋقىمدى ءىس-شارا جەلتوقسان ايىنىڭ ورتاسىندا باستالادى.
