كادريە حانىم بۇعان دەيىن تۇركيادا «تۋريزم» ماماندىعى بويىنشا جوعارى وقۋ ورنىن ءتامامداپ, 20 مەملەكەتتى شارلاعان. زەينەتكەردىڭ ەلىمىزگە كەلگەنىنە نەبارى 1,5 اي بولسا دا, مەملەكەتتىك ءتىلدى مەڭگەرىپ قالعان. «ەندىگى ماقساتىم – ورتا ازيا ەلدەرىمەن تانىسىپ, باۋىرلاس حالىقتىڭ مادەنيەتىن ناسيحاتتاۋ», دەيدى ول.
نوتر-دام قايتا جاڭعىردى
الەمدىك مادەني مۇرانىڭ ايرىقشا نىسانى سانالاتىن ايگىلى نوتر-دام-دە-پاري شىركەۋى قايتا اشىلدى.
سالتاناتتى ءىس-شاراعا فرانتسيا پرەزيدەنتى ەممانيۋەل ماكرون مەن اقش-تىڭ جاڭا سايلانعان پرەزيدەنتى دونالد ترامپ قاتىستى. ايتا كەتەيىك, 2019 جىلعى الاپات ورتتەن كەيىن ايگىلى شىركەۋ كۇردەلى جوندەۋدەن وتكەن ەدى. ونى قالپىنا كەلتىرۋ جۇمىسىنا 760 ميلليون دوللار جۇمسالىپ, 250 كومپانيا مەن 2 مىڭنان استام ادام اتسالىسقان. ءپاريجدىڭ كورنەكتى ورنى ەندى كەلۋشىلەردى قابىلداي باستايدى.
ءتورت كۇندىك جۇمىس اپتاسى
جاپونيادا دەموگرافيالىق داعدارىستى ەڭسەرۋ ماقساتىندا ءتورت كۇندىك جۇمىس اپتاسى ەنگىزىلمەك.
جاڭا ەرەجە ءساۋىر ايىندا كۇشىنە ەنەدى. مامانداردىڭ ايتۋىنشا, كۇنشىعىس ەلىنىڭ حالىق سانى كەيىنگى سەگىز جىلدا كۇرت ازايىپ بارادى. سەبەبى جۇمىسباستىلىقتان جاستارعا وتباسىن قۇرىپ, بالالى بولۋ قيىنداعان. سوندىقتان جاپون ۇكىمەتى حالىق سانىن كوبەيتۋ ماقساتىندا ەر ادامدارعا دا اكەلىك دەمالىس بەرۋ سياقتى بىرقاتار شارانى قولعا الماق.
