فوتو: parlam.kz
ونىڭ ايتۋىنشا, قارجى ۇيىمدارىنىڭ قىزمەتتەرىن الۋشىلار قول قوياتىن كەلىسىمدەر قولدانىستاعى زاڭناماعا قايشى كەلەدى.
«كەلىسىم الۋ ءراسىمى ءىس جۇزىندە ءماجبۇرلى سيپاتقا يە. پايدالانۋشى تاراپ كەلىسەدى, ەگەر كەلىسپەسە, قىزمەتكە قولجەتىمدىلىك جابىق بولادى. كەلىسىمدەردە دەرەكتەردى بەلگىسىز ماقساتتار ءۇشىن وڭدەۋگە مۇمكىندىك بەرەتىن جالپى تۇجىرىمدار قولدانىلادى. قازىرگى كەلىسىمدەردىڭ تاعى ءبىر بەلگىسى – مەرزىمىنىڭ جوقتىعى نەمەسە نەگىزسىز ۇزاق مەرزىمدە بولۋى», دەگەن ە.سمەشلياەۆا اتالعان ماسەلە تۇرعىسىندا تاعى بىرنەشە جايتتارعا توقتالدى.
دەپۋتاتتىڭ ايتۋىنشا, دەربەس دەرەكتەر جانە ولاردى قورعاۋ تۋرالى بارلىق تالاپتار زاڭدا ەسكەرىلسە دە, ءجيى بۇزىلىپ وتىر.
وسى جانە باسقا دا ايتىلعان جايتتارعا بايلانىستى دەپۋتات مىناداي ۇسىنىستارىن ورتاعا سالدى:
«كەلiسiمدەردi الۋ ءتارتiبiن جانە مازمۇنىن قوسا العاندا, بانك سەكتورىندا دەربەس دەرەكتەردi قورعاۋ تۋرالى زاڭناما تالاپتارىنىڭ ساقتالۋىنا تەكسەرۋ جۇرگiزۋ. بانك ۇيىمدارىنا قاتىستى نورمالاردىڭ ساقتالۋىن باقىلاۋ بولىگىندە قولدانىستاعى ەرەكشەلىكتەردى قايتا قاراۋ. دەربەس دەرەكتەردى پايدالانۋعا سالالىق كەلىسىمدەردىڭ بىرىڭعاي نىساندارىن ەنگىزۋ مۇمكىندىگىن قاراستىرۋ. قولجەتىمدىلىك ستاندارتتارىن, الۋ راسىمدەرىن ەنگىزۋ جانە كەلىسىمدەردى قايتارىپ الۋ», دەپ تۇيىندەدى ەكاتەرينا سمىشلياەۆا.
ايتا كەتسەك, دەپۋتاتتار ءوز تاراپىنان قر زاڭدارىنىڭ دەربەس دەرەكتەردى قورعاۋ بولىگىنە قوسىمشا وزگەرىستەر ەنگىزۋ بويىنشا جۇمىس ىستەپ جاتىر.
