2024 جىلعى 21 قاراشادا استانادا وتكەن ءىس-شاراعا ۇلىتاۋ, قاراعاندى, تۇركىستان وبلىستارىنىڭ, شىمكەنت جانە ساران قالالارىنىڭ قوعامدىق كەڭەس وكىلدەرى قاتىستى.
قاتىسۋشىلار قوعامدىق باقىلاۋ تەتىكتەرىن جەتىلدىرۋ, مەملەكەتتىك ورگاندارمەن ءوزارا ءىس-قيمىلدى نىعايتۋ جانە قوعامدىق كەڭەستەردىڭ ءرولىن كۇشەيتۋ ماسەلەلەرىن پىسىقتادى.
ستادي-تۋر اياسىندا قر سىبايلاس جەمقورلىققا قارسى ءىس-قيمىل اگەنتتىگىنىڭ قوعامدىق كەڭەسىنىڭ توراعاسى جانە قر پرەزيدەنتى جانىنداعى كەشىرىم جاساۋ جونىندەگى كوميسسيانىڭ توراعاسى مارات باشيموۆپەن جانە استانا قالاسى قوعامدىق كەڭەسىنىڭ توراعاسىمەن كەزدەسۋلەر ءوتتى. بۇل كەزدەسۋلەردە سىبايلاس جەمقورلىققا قارسى ءىس-قيمىلداعى قوعامدىق كەڭەستەردىڭ ءرولى مەن الەۋمەتتىك ماسەلەلەردى شەشۋدەگى اشىق كوممۋنيكاتسيانىڭ ماڭىزدىلىعى ەرەكشە اتاپ ءوتىلدى.
ءىس-شارانىڭ قورىتىندىسىندا «قوعامدىق كەڭەستەردى دامىتۋ» جوباسىنىڭ ناتيجەلەرى تانىستىرىلىپ, تابىستى تاجىريبەلەر مەن ۇسىنىستار ۇسىنىلدى. بۇل ستادي-تۋر قوعامدىق كەڭەستەردىڭ الەۋەتىن ارتتىرۋعا جانە ازاماتتىق قوعامنىڭ ءرولىن نىعايتۋعا ماڭىزدى ۇلەس قوستى.
