الىپ پورترەتتىڭ بيىكتىگى 6, ال ەنى – 4,5 مەترگە جەتكەن. قولونەر تۋىندىسىن جاساۋعا استاناداعى №80 مەكتەپ-گيمنازياسى مۇرىندىق بولعان. مەكتەپ بەلسەندىلەرى اقىن بەينەسىن جاساۋعا 2 700 قۇراق قولدانىپ, ءبىر جارىم اي ۋاقىتىن ارناعان.
سيرەك كەزدەسەتىن ءزۇبارجات
شۆەيتساريانىڭ جەنەۆا قالاسىندا «كريستيس» ءباسساۋداسىندا ءزۇبارجات تۇيرەۋىش 8 ملن 800 مىڭ دوللارعا ساتىلدى.
باعالى سىيلىق «4س» جۇيەسى بويىنشا انىقتالدى: cut ء(پىشىنى), clarity (تازالىعى), color ء(تۇسى), carat (سالماعى). بۇل جۇيە بريلليانتتىڭ قانشالىقتى قوسپاسىز ەكەنىن كورسەتەدى. اتالعان اسىل بۇيىمنىڭ سالماعى – 37 كارات. ونى 1960 جىلى حانزادا اگا حان ۇيلەنۋ تويىندا قالىڭدىعى نينا دايەرگە سىيعا بەرگەن. ماماندار: «بۇل وتە سيرەك كەزدەسەتىن ءزۇبارجات», دەپ باعالادى. اسىل تاس نەگىزى كولۋمبيادا وندىرىلگەن. ونى اۋكتسيون ۇيىنە ۇزاق جىل قولىندا ۇستاعان كوللەكتسيونەر اكەلىپتى.
ەڭ بيىك كوپىر
قىتايدىڭ گۋيچجوۋ پروۆينتسياسىندا سالىنىپ جاتقان حۋاتسزيان شاتقالىنىڭ كوپىرى الەمدەگى ەڭ بيىك كوپىر بولماقشى.
قۇرىلىس جۇمىستارى 2021 جىلى باستالىپ, 2025 جىلدىڭ ماۋسىمىندا اياقتالادى دەپ جوسپارلانعان. كوپىردىڭ جالپى ۇزىندىعى – 2 890, ال بيىكتىگى – 625 مەتر. بۇل كورسەتكىش قازىر الەمدەگى ەڭ بيىك كوپىر – بەيپانتسزياننان دا اسىپ تۇسەدى. «گۋيچجوۋ پروۆينتسياسى تاۋلى جانە شاتقالدى جەرلەرىمەن تانىمال. سوندىقتان بۇل قۇرىلىس ايماقتىڭ ينفراقۇرىلىمىن جاقسارتىپ, ەكونوميكالىق دامۋىنا وڭ اسەرىن تيگىزەدى», دەيدى ساراپشىلار.
