ونىڭ ينستاگرام الەۋمەتتىك جەلىسىنە جاريالاعان بەينەجازباسىنان قازاقستان, وزبەكستان, قىرعىزستان, تاجىكستان, تۇرىكمەنستان مەملەكەتتەرىنىڭ بايراعىن شىڭعا قاداعانىن انىق اڭعارامىز. رەسمي پاراقشاسىنا «دوستىعىمىز بەن تىنىشتىعىمىز باياندى بولسىن», دەپ جازدى فازيلوۆ.
ەرتەگىنىڭ ەمدىك قاسيەتى
شىمكەنتتە ءتىل كەمىستىگى بار بالالارعا ەرتەگى تەراپياسى قولدانىلادى. ايماقتا ينكليۋزيۆتى بىلىمگە مۇقتاج 14 مىڭعا جۋىق بالا بار.
ولارمەن 594 ارنايى پەداگوگ جۇمىس ىستەيدى. بالاباقشا مەن ءبىلىم ۇيىمدارىنان بولەك, قوسىمشا ينتەرناتتار مەن وڭالتۋ ورتالىقتارى قۇرىلعان. «حالىق ەرتەگىلەرىن ادىستەمەگە قوسىپ, ارتيكۋلياتسيالىق جاتتىعۋلار ورىنداتامىز. قيال-عاجايىپقا تولى «باۋىرساق», «قارلىعاشتىڭ قۇيرىعى نەگە ايىر؟» سياقتى شىعارمالار وقۋشىلاردىڭ وي-ءورىسىن دامىتۋعا ءارى انىق سويلەۋىنە ايتارلىقتاي پايداسىن تيگىزەدى», دەيدى لوگوپەد-دەفەكتولوگ گۇلباحار تۋرسيمەتوۆا.
دارىگەر روبوت
ەلىمىزدە بۋىن اۋرۋىنا شالدىققان ناۋقاستارعا وپەراتسيا جاساۋعا روبوت كومەكتەسەدى. جىل باسىنان بەرى دارىگەرلەر زاماناۋي تەحنولوگيا كومەگىمەن 30-دان اسا ەندوپروتەزدەۋ وپەراتسياسىن ءساتتى ورىنداعان. تىڭ ءادىس بۋىندى تولىق نەمەسە جارتىلاي الماستىرۋعا مۇمكىندىك بەرەدى.
«ماكو» دەپ اتالاتىن بۇل روبوت اسقان دالدىكپەن جۇمىس ىستەيدى. ول ادام يىعى, شىنتاعى, تىزەسى, جامباسى سەكىلدى دەنە بولىكتەرىنە وپەراتسيا جاساي الادى. «شىنىمدى ايتسام, وسىلاي اياققا تۇرىپ كەتە بەرەمىن دەپ ويلاعان جوقپىن. بىردەن ەكى تىزەگە جاساۋعا بولاتىنى قۋانتادى. بۇرىن الدىمەن ءبىرىنشى تىزەگە جاساپ, ءبىر جىل وڭالۋدان كەيىن عانا ەكىنشىسىنە جاسايتىن. شەتەل كلينيكالارىنا قاراعاندا باعاسى 3 جارىم ەسە ارزان. يننوۆاتسيالىق تەحنولوگيا ارقىلى جاسالاتىن وپەراتسيا جەكە حيرۋرگيالىق جوسپارلاۋ ارقىلى جۇزەگە اسىرىلادى», دەيدى ورال قالاسىنىڭ تۇرعىنى زاۋرەش لەكەروۆا.
