فوتو: gov.kz
اكتسيونەرلىك قوعام باسشىسىنىڭ بورىشكەر رەتىندە قازاقستاننان تىسقارى شىعۋىنا دا ۋاقىتشا شەكتەۋ قويىلعان.
اق جەكە سوت ورىنداۋشىسىنىڭ ارەكەتىن زاڭسىز دەپ تانۋ, كولىك قۇرالدارىن ۇستاۋ جانە ارنايى تۇراققا ورنالاستىرۋ, كاسىپورىن باسشىسىنىڭ ەلدەن تىسقارى شىعۋىنا ۋاقىتشا شەكتەۋ قويۋ تۋرالى قاۋلىنىڭ كۇشىن جويۋ جونىندە تالاپ قويۋمەن سوتقا جۇگىنگەن.
تالاپ قويۋدا جەكە سوت ورىنداۋشىسى تاراپىنان ونىڭ مۇلكىنە ءوندىرىپ الۋدى قولدانۋ كەزىندە وندىرىستىك تسيكلگە قاتىستى زاڭمەن بەلگىلەنگەن باسىمدىق ساقتالماعانى, تالاپ قويۋشىدا تاۋاردىڭ (كومىردىڭ) بولۋى ەسكەرىلمەگەنى كورسەتىلگەن.
ەلدەن تىسقارى شىعۋعا شەكتەۋلەر كاسىپورىننىڭ قالىپتى جۇمىس ىستەۋىنە, باسشى مەن كليەنتتەردىڭ كەزدەسۋىنە, كەلىسسوزدەر مەن شارتتاردىڭ جاسالۋىنا كەدەرگى كەلتىرەدى.
ء«بىرىنشى ساتىداعى سوت كولىك قۇرالدارىن قاماۋعا الۋ تۋرالى قاۋلىنىڭ كۇشىن جويۋ تۋرالى تالاپتى قاناعاتتاندىرىپ, باسشىنىڭ ەلدەن تىسقارى شىعۋىنا تىيىم سالۋ تۋرالى تالاپ قويۋدى قاناعاتتاندىرۋدان باس تارتقان. اپەللياتسيا ءىستى قاراۋ بارىسىندا تاراپتار مەن مۇددەلى تۇلعا تاتۋلاستىرۋ مۇمكىندىگىنە يە بولىپ, تاراپتار جاساسقان مەدياتسيالىق كەلىسىم كەلەسى شارتتارمەن بەكىتىلدى:
- جاۋاپكەر (جسو) شارتقا قول قويىلعان كۇننەن باستاپ 3 جۇمىس كۇنى ىشىندە كولىك قۇرالىن ۇستاۋ تۋرالى ۇيعارىمنىڭ كۇشىن جويادى;
- تالاپ قويۋشى (اق) 2024 جىلدىڭ سوڭىنا دەيىن 158 ميلليون تەڭگەدەن استام قارىزدى تولەۋگە مىندەتتەنەدى», دەلىنگەن حابارلامادا.
سوتتىڭ ۇيعارىمى زاڭدى كۇشىنە ەندى.
