سۋ تاسقىنىنىڭ الدىن الۋ جۇمىستارى ءجۇرىپ جاتىر

قازاقستاننىڭ وڭتۇستىك وبلىستارىنىڭ سۋ قويمالارى 55%-عا تولى. بۇل وتكەن جىلعى سايكەس كەزەڭمەن سالىستىرعاندا 23%-عا ارتىق. بۇگىنگى تاڭدا وڭتۇستىكتەگى سۋ قويمالارى كەلەسى جىلعى سۋارۋ ماۋسىمىنا سۋ جيناۋ رەجيمىندە جۇمىس ىستەپ جاتىر.

ال سولتۇستىك, باتىس جانە شىعىس وبلىستاردىڭ قويمالارىنان سۋ جىبەرىلىپ جاتىر. بۇل كوكتەمگى سۋ تاسقىنى كەزىندە ەرىگەن قار سۋىن قابىلداۋ ءۇشىن بوس سىيىمدىلىقتاردى قامتاماسىز ەتۋ ءۇشىن جاسالادى.

بۇگىنگى تاڭدا سولتۇستىكتەگى سۋ قويمالارى 79%-عا تولى. باتىس وبلىستار بويىنشا سۋ قويمالارىنىڭ ورتاشا سۋ جيناۋ كولەمى - 44%. شىعىستاعى سۋ قويمالارى 89%-عا تولى بولسا, ورتالىق قازاقستانداعى سۋ قويمالارىندا 85% سۋ بار.

«بۇگىنگى تاڭدا بارلىق سۋ قويمالارى بەكىتىلگەن كەستەگە ساي جۇمىس ىستەپ جاتىر. الايدا, جۇمىس كەستەسى سۋ تاسقىنىنا قاتىستى بولجامدارعا بايلانىستى ءالى دە تۇزەتىلەدى. سۋ تاسقىنى كەزەڭىنە دايىندىق اياسىندا مينيسترلىك بارلىق وبلىستارعا سۋ باسۋ قاۋپىن ازايتۋ جونىندەگى ءىس-شارالاردىڭ تيىمدىلىگىن ارتتىراتىن جەرسناريادتار سەكىلدى مامانداندىرىلعان تەحنيكانى پايدالانا وتىرىپ, وزەن ارنالارىن تازارتۋ جونىندە ۇسىنىس جىبەردى», دەدى سۋ رەسۋرستارى جانە يرريگاتسيا مينيسترلىگىنىڭ رەسمي وكىلى ءمولدىر ابدۋاليەۆا.