فوتو: اشىق دەرەككوز
كۋاگەرلەردىڭ ايتۋىنشا, 27 قازان كۇنى ساعات 15:00 شاماسىندا دۋناەۆسكي مەن جاروكوۆ كوشەلەرىنىڭ قيىلىسىندا جارالى ازامات ءوتىپ بارا جاتقانداردان جەدەل جاردەم شاقىرۋدى ءوتىنىپ, بەيتانىس ادام پىشاقتاپ كەتكەنىن ايتقان. كەيىنىرەك دۋناەۆسكي كوشەسىندەگى ورىندىقتا قانسىراعان تاعى ءبىر جارالى ادامنىڭ بار ەكەنى بەلگىلى بولعان.
قالالىق پوليتسيا دەپارتامەنتىنىڭ مالىمەتىنشە, شابۋىلدارعا قاتىسى بار كۇدىكتى ۇستالدى.
«بوستاندىق اۋداندىق پوليتسيا باسقارماسى دەنە جاراقاتىن الۋ فاكتىسى بويىنشا قىلمىستىق ءىس قوزعادى. كۇدىكتى ۇستالدى جانە ۋاقىتشا ۇستاۋ يزولياتورىنا قامالدى. الدىن الا مالىمەتتەر بويىنشا, بەيتانىس ەر ادامدار اراسىندا جانجال بولعان», دەپ حابارلادى ۆەدومستۆودان.
شابۋىل جاساۋشى مەن زارداپ شەككەندەردىڭ ءبىر-ءبىرىن تانىمايتىندارى اتاپ ءوتىلدى.
