اتالعان سايىس 2014 جىلى وڭتۇستىك كورەيادان باستاۋ العان. سودان بەرى تايۆان, نيدەرلاند, گونكونگ سياقتى ەلدەردە تۇراقتى ۇيىمداستىرىلىپ كەلەدى. «بۇنداي باسەكەدەن پايدا بار ما؟» دەپ ويلاۋىڭىز مۇمكىن؟ بار بولعاندا قانداي. «البەتتە, جۇمىستىڭ كوپتىگى جاقسى. دەگەنمەن قازىرگى قاربالاس زاماندا تىنىشتىقتى تىڭداپ, ەشتەڭەگە الاڭداماي, جاي عانا ءوز ويىن ەستي الاتىن ادامدار ازايىپ بارادى», دەيدى ماماندار. دەمەك بۇل بايقاۋدىڭ ماقساتى – كۇيزەلىستەن قۇتقارۋ, مەديتاتسيانى دارىپتەۋ. ءبىر قاراعاندا, سايىس شارتى وتە وڭاي سياقتى كورىنۋى مۇمكىن. بىراق توقسان مينۋت تىنىم تاۋىپ, جەڭىمپاز اتاناتىندار تىم سيرەك ەكەن.
يۋپيتەردەگى تىرشىلىك
NASA-نىڭ «Europa Clipper» عارىش كەمەسى يۋپيتەرگە, ناقتىراق ايتقاندا, ونىڭ سەرىگى ەۋروپاعا اتتاندى.
ەۋروپا دەگەنىمىز – كارى قۇرلىق ەمەس, يۋپيتەر عالامشارىنىڭ 95-سەرىگى. بىلتىر عالىمدار «دجەيمس ۋەبب» تەلەسكوبىنىڭ كومەگىمەن وسى عالامشار قويناۋىنان كومىرتەك تاپقان ەدى. سودان بەرى اتالعان اسپان دەنەسىندە تىرشىلىك بار دەگەن بولجام ايتىلىپ كەلەدى. عالىمدار يۋپيتەر سەرىگىندە كومىرسۋتەك بارى جونىندە تەلەسكوپ مالىمەتىن ساراپتاپ, ول مۇز استىنداعى تۇزدى سۋدان كەلىپ جاتىر دەگەن قورىتىندىعا كەلگەن. دەگەنمەن عالىمدار كومىرسۋتەكتى ءتىرى اعزالار شىعارىپ جاتىر ما, جوق پا دەگەن سۇراققا ازىرگە جاۋاپ بەرە الماي وتىر. الداعى عارىش ساپارىنىڭ نەگىزگى ميسسياسى دا وسى بولماق.
بالكونداعى كۇن باتارەياسى
بۇل قۇرىلعى كۇن ەنەرگياسىن تىكەلەي ەلەكتر قۋاتىنا اينالدىرادى. ەكولوگيالىق جاعىنان ءتيىمدى مۇنداي تەحنولوگياعا قازىر سۇرانىس كوپ.
ماسەلەن, گەرمانيادا جىل باسىنان بەرى بۇل باتارەيانىڭ سانى ەكى ەسەگە وسكەن. نەمىس كۇن ەنەرگياسى قاۋىمداستىعىنىڭ ايتۋىنشا, اتالعان قۇرىلعىنىڭ باعاسى ارزانداپ كەلەدى. تۇرعىندار وڭاي ساتىپ الۋ ماقساتىندا بيۋروكراتيالىق كەدەرگىلەر جويىلعان. ايتا كەتەيىك, ەنەرگيانىڭ رۇقسات ەتىلگەن مولشەرى 600-دەن 800 ۆاتقا دەيىن جەتەدى.
