ديقاننىڭ كوڭىلىندەگى ورىندالسا, كوكتەن تىلەگەنى دە كەلەدى

«قازاگرو» ۇلتتىق حولدينگى ەگىن ەگۋ جانە جيناۋ ناۋقاندارىن قارجىلاندىردى مامىرداعى اق جاۋىن ديقان­نىڭ قولىن ءبىراز بايلادى. مەڭدىعارا, سارىكول, ۇزىنكول, قارابالىق سەكىلدى وبلىستىڭ سولتۇستىگىندە جاتقان اۋداندارعا جاڭبىر جىلداعىدان بىرنەشە ەسە كوپ جاۋدى. كوكتەمنىڭ ءار كۇنىن ءتيىمدى پايدالانۋعا تى­رىسقان ديقاندار قىردى قاربالاس ەڭبەككە بولەدى. الايدا, قولدا زاماناۋي تەحنيكا بولماسا, ديقاننىڭ ويى جۇزەگە اسپايدى. مەڭدىعارا اۋدانىنداعى «ۆوستوك-1» جاۋاپكەرشىلىگى شەكتەۋلى سەرىكتەستىگىنىڭ ديرەكتورى جامبىل امانتاەۆ بيىلعى كوكتەمدە اۋا رايى قالاي قۇبىلسا دا, ءداندى سەۋىپ ۇلگەردى. نەگىزى اگرونوميالىق تالاپتار بويىنشا ءدان سەبۋ جۇمىستارى مامىر ايىنىڭ 18-ىنەن باستالۋى كەرەك ەدى. وعان جاڭبىر مۇمكىندىك بەرمەگەن سوڭ, شارۋاشىلىق ەگىن القابىنا مامىردىڭ 22-سىنەن شىقتى. قولىنداعى قۋاتتى تەح­نيكالاردىڭ ارقاسىندا ماۋسىم ايىنىڭ 5 كۇنى ءدان سەبۋدى تولىق اياقتادى. وبلىس اكىمى نۇرالى سادۋاقاسوۆ ماۋسىمنىڭ 10-ىنا دەيىن كوكتەمگى دالا جۇ­مىستارىن اياقتاعاندارعا عانا سۋبسيديا بەرىلەتىنىن ايتقان بولاتىن. ەندى ول سۋبسيدياعا دا ىلىنەتىن بولدى. – بارىنەن بۇرىن ءداندى جانە مايلى داقىلداردى ۋاقىتىسىندا ەگىپ العانىمىزعا قۋانىپ وتىرمىز. ەندى كۇزگى استىق جيناۋ ناۋقانى كەزىندە اۋا رايى قالاي بولارىن ۋاقىت پەن تابيعات كورسەتە جاتار. بىراق وزىق تەح­نيكانىڭ ارقاسىندا اۋا رايى قالاي قۇبىلسا دا, جەرگە ءبىر ءدان قالدىرماي جيناپ الارىما سەنىمدىمىن, – دەيدى جامبىل امانتاەۆ. جامبىل ساتتاربەك ۇلىنىڭ بۇل ءسوزى كوكتەمگى دالا جۇمىس­تارىن ءبىتىرىپ, دەمىن ءبىر العان ديقاننىڭ مۇرتىنان كۇلگەن ماقتانىشى سەكىلدى ەستىلسە, نەسى بار. بىراق شىنى دا وسى. ويتكەنى, وتكەن جاڭبىرلى كۇزدە قولىندا قۋاتتى تەحنيكاسى جوقتاردىڭ ەگىنى قاردىڭ استىندا قالدى. ال «ۆوستوك-1» شارۋاشىلىعىندا القاپتىڭ استىعى تۇگەل ورىلىپ, باستىرىلدى. جاڭبىردان كەيىنگى جينالعان ءداننىڭ ىلعالدىلىعى 20 پايىزدان اسىپ كەتتى. ونى كەپ­تىرمەسە, لەزدىڭ اراسىندا قى­زىپ, جانىپ كەتەدى, ونداي استىق مالعا جەم ەتىپ بەرۋگە دە جاراماي, دالادا قالادى. ال جامبىل امانتاەۆتىڭ وسىدان 2 جىل بۇرىن العان ءدان تازالايتىن جانە كەپتىرەتىن كەشەنىنىڭ ارقاسىندا ەشقانداي ءدان شىعىنى بولمادى. ءدان كەپتىرگىشكە 12 مىڭ توننا استىعىن كەپتىرىپ الدى. الدىڭعى جىلى 6 مىڭ توننا استىق كەپتىرگەن بولاتىن. شارۋاشىلىق جيناعان استىعى وزگەلەرگە تۇقىم رەتىندە ساتىلادى. سوندىقتان ءداننىڭ ساپاسى ولار ءۇشىن وتە ماڭىزدى. – شارۋاشىلىقتىڭ 86 ميلليون تەڭگە تۇراتىن مۇنداي كەرەمەت تەحنيكانى اقشانى قولما قول ساناپ بەرىپ الۋعا شاماسى كەلمەيدى. «قازاگرو» ۇلتتىق حول­دينگىنىڭ قارجىلاندىرۋىمەن وعان قولىمىز ەركىن جەتتى. ەگەر بۇل ءدان كەپتىرگىش بولماعاندا شارۋاشىلىقتىڭ قازىر نە كۇيدە بولارىن كوزگە ەلەستەتە المايمىن, – دەيدى دەيدى جامبىل امانتاەۆ. شارۋاشىلىق «قازاگرو» ۇلتتىق حولدينگىنىڭ قولداۋىمەن 2007 جىلدان باستاپ تەحنيكاسىن جاڭارتتى. سول جىلى ليزينگپەن كوكتەمگى دالا جۇمىستارىن اتقارۋعا ارنالعان 4 تەحنيكا كە­شەنىن ساتىپ الدى. ونىڭ ەكەۋى Jonn Deere, ەكەۋى Buhler تراكتورى بولدى. ودان كەيىنگى جىلدارى 4 كومباين جانە ءبىر تيەگىشكە تاعى قول جەتكىزدى. ليزينگتى جەتى جىل مەرزىمدە بەلگىلى شارتتارىن ورىنداي وتىرىپ, تولەپ شىعادى. بۇل ديقان ءۇشىن مول مۇمكىندىك ەكەنى بەلگىلى. – تەحنيكالاردىڭ قولاي­لىلىعى مەن ساپاسىن ايتىپ جاتۋدىڭ ءوزى ارتىق. بيىل اۋا رايى­نىڭ جاڭبىرلى بولۋى ەگىن­دى از ۋاقىتتىڭ ىشىندە سەبۋدى مىندەتتەدى. سوندا كۇندىز-ءتۇنى وسى تەحنيكالار قىردا جۇمىس ىستەدى. ءبىر ءدان سەبەتىن كەشەن ءۇش ك-700 تراكتورىنىڭ ورنىن اۋىس­تىرا الادى. ءدان سەپكىش كەشەن تاۋلىگىنە 200 گەكتاردان اسا جەرگە ءدان سىڭىرسە, ك-700 تراكتورىنىڭ قۋاتى تاۋلىگىنە 70-80 گەكتاردان اسپايدى. جۇمىس ءۇش ەسەدەي ارتىق ورىندالماي ما؟ تيىمدىلىگى وتە جوعارى. مەحانيزاتورلار كومبايندى دا, تراكتورلاردى دا ۇرشىقشا ۇيىرەدى. ءتۇننىڭ تاس قاراڭعىسىندا دا ءدان سەپتىك, – دەيدى جامبىل امانتاەۆ. بيىل كوكتەمگى ەگىن جانە استىق جيناۋ ناۋقاندارىن جۇرگىزۋگە «قازاگرو» ۇلتتىق حولدينگى 100,6 ملرد. تەڭگە باعىتتادى. بۇل كورسەتكىش حولدينگتىڭ وتكەن جى­لى وسى ماقساتتارعا جۇمساعان قارجىسىنان 16 پايىزعا جوعارى. قارجىنى حولدينگ بيدايدى فورۆاردتىق ساتىپ الۋ, ەكىنشى دەڭگەيلى بانكتەردىڭ كەپىلدىگىمەن اۋىل شارۋاشىلىعى تاۋار ءون­دىرۋشىلەرىن نەسيەلەندىرۋ, نەسيە سەرىكتەستەرىن نەسيەلەندىرۋ, اۋىل شارۋاشىلىعى تەحنيكاسىنىڭ ليزينگى جانە تاعى باسقا تاسىلدەر ارقىلى قالايدا ديقاندارعا قولجەتىمدى ەتەدى. وسى ماقساتتا حولدينگ اۋىل شارۋاشىلىعى تاۋار وندىرۋشىلەرىن نەسيەلەندىرۋ ءۇشىن ەدب قورلاندىرۋ قۇرالىن قولدانىپ وتىر. باعدارلاماعا قاتىسۋشى بانكتەردىڭ سانى دا ەكى ەسەگە دەيىن ءوستى, بۇرىن 4 بانك قاتىسسا, قازىر ولاردىڭ سانى 8-گە جەتتى. بانكتەر ارقىلى قارجىلاندىرۋدىڭ جالپى كولەمى 33,5 ملرد. تەڭگە سومانى قۇرايدى. بۇگىنگى كۇنى ونىڭ 99 پايىزى يگەرىلدى. – «قازاگروقارجى» اكتسيو­نەرلىك قوعامى كوكتەمگى دالا جۇمىستارى شەڭبەرىندە 8,7 ملرد.تەڭگەنى قۇرايتىن 994 بىرلىك اۋىل شارۋاشىلىعى تەحنيكاسىن ليزينگكە الۋدى قارجىلاندىردى. استىق جيناۋ ناۋقانىنا 1156 كومباين الۋعا ءوتىنىش قابىلداندى, ونىڭ بارلىعى 9,1 ملرد. تەڭگە تۇرادى. سونداي-اق, 4,6 ملرد.تەڭگەگە 614 كومباينعا قارجىلىق ليزينگ كەلىسىمشارتتارى جاسالدى, – دەيدى «قازاگروقارجى» اق قوستاناي وبلىسى بويىنشا فيليالىنىڭ ديرەكتورى نۇرلان قاپساماتوۆ. مۇنىڭ سىرتىندا وتاندىق وندىرىستەگى كومباينداردى جەڭىلدەتىلگەن شارتتار بويىنشا الۋعا «ەگىن-2015» باع­دارلاماسى ەنگىزىلەتىن بولادى. «اگروبيزنەس-2020» باعدارلاماسى بويىنشا سۋبسيديالاۋدى ەسكەرە وتىرىپ, سىياقى مولشەرى 6,4 پايىزدى قۇرايدى. بۇل جەڭىلدىك بيداي تازالاۋ جانە بيداي كەپتىرۋ جابدىقتارىن ليزينگكە الۋ ءۇشىن دە قولدانىلاتىن بولادى. ال قوستاناي وبلىسى بويىنشا كوكتەمگى دالا جۇمىستارىنا 724,1 ملن. تەڭگەگە 48 بىرلىك اۋىل شارۋاشىلىعى تەحنيكا­سىن ليزينگكە ساتىپ الۋ قار­جىلاندىرىلدى. جالپى سوماسى 1262,7 ملن. تەڭگەگە 65 بىرلىك استىق جيناۋ تەحنيكاسىن ساتىپ الۋعا وتىنىشتەر قابىلداندى, جيىنتىق سوماسى 541,4 ملن. تەڭگە بولاتىن 29 بىرلىك تەحنيكاعا قارجى ليزينگى شارتتارى جاسالدى. ديقاننىڭ كوڭىلىندەگى دە, كوكتەن تىلەگەنى دە وسى بولاتىن. ءنازيرا جارىمبەتوۆا, «ەگەمەن قازاقسان». قوستاناي.