قازىر ول ۋنيۆەرسيتەتتىڭ وقۋ جوس-پارىنا سايكەس, قالاداعى تەننيس ورتالىعىندا ءىس-تاجىريبەدەن ءوتىپ ءجۇر. تەننيس ورتالىعى مەيىرلاندى اتتاي قالاپ, ديپلوم العان سوڭ جۇمىسقا شاقىرىپ وتىر. سەبەبى مەيىرلان وزىنە بەرىلگەن تاپسىرمانى تىڭعىلىقتى ورىنداپ, جاۋاپكەرشىلىك تانىتادى. باسشىلىقتىڭ دا, ورتالىققا كەلگەن كليەنتتەردىڭ دە كوڭىلىنەن شىعىپ ءجۇر.
مەيىرلان – وتباسىنىڭ كەنجەسى. كىشكەنتايىنان كاسىپكە جاقىن بولىپ ءوستى. كاسىپتەگى العاشقى قادامى وزىمىزگە ەتەنە تانىس, ۇلتتىق سۋسىن – كوجە ساتۋدان باستالدى. اناسى دايىنداعان كوجەنى كۇندەلىكتى ءىشىپ جۇرگەن مەيىرلانعا «بۇل كوجەنى نەگە باسقالار دا ىشپەسكە؟» دەگەن وي كەلەدى. سەبەبى ونىڭ ەسەپتەۋىنشە, اناسى دايىنداعان كوجەنىڭ ءدامى ەرەكشە, الەمدە تەڭدەسى جوق تاعام. وسىلايشا, جاس جىگىت اناسى ازىرلەگەن ءونىمدى ساتىلىمعا شىعارادى. كوجەنى جاي ساتىپ قانا قويماي, وعان تاۋارلىق سيپات بەردى. العاشىندا قاراپايىم قۇتىلارعا قۇيىپ, قاعاز قاپتاماسىن جاساپ, فيرمالىق ءونىم رەتىندە نارىققا ۇسىندى. وسىلايشا, جاس كاسىپكەر كەز كەلگەن ءونىمدى برەند رەتىندە قالىپتاستىرۋعا بولاتىنىن ءتۇسىندى. ناتيجەسىندە, كوجەگە دەگەن سۇرانىس ارتىپ, وتباسىلىق بيۋدجەتكە قارجى تۇسە باستاعان. مەيىرلان بۇل قارجىنى جەكە باسىنىڭ قاجەتتىلىگىنە جۇمساپ جىبەرمەي, ونى قايتا اينالىمعا سالىپ وتىردى. ءىسىن كەڭەيتۋدىڭ جولدارىن ىزدەستىردى. ياعني تەك كوجە ساتۋمەن شەكتەلمەي, نارىقتى زەرتتەدى.
«قازىرگى ادامدار نە تۇتىنادى؟ قانداي تاۋارعا سۇرانىس جوعارى؟ قانداي كاسىپ باس-تاسام, تابىسقا شىعامىن؟ قانداي كاسىپتەن جەر سيپاپ قالۋىم مۇمكىن؟» وسى ساۋالدارعا جاۋاپ ىزدەپ, اقىرى پوپكورن (جۇگەرى جارماسى) بيزنەسىنە كەلدى. بار بولعانى 6 مىڭ تەڭگە باستاپقى كاپيتالمەن, وعان 1 كيلو ءتاتتى مەن 1 كيلو ءتۇرلى-ءتۇستى پوپكورن ساتىپ الۋ ارقىلى ءوز ءوندىرىسىن باستادى. مۇنداعى باستى ەرەكشەلىك – ونىڭ ساپا مەن ەستەتيكاعا ءمان بەرۋى. قاراپايىم پاكەتتەردىڭ ورنىنا 75 تەڭگەلىك ساپالى «دوي پاك» قاپتامالارىن تاڭداۋى تۇتىنۋشى الدىنداعى جاۋاپكەرشىلىگىن بىلدىرەدى. ناتيجەسى دە كوپ كۇتتىرمەدى: «حالىق ماركەت», «حالىق سيتي» سىندى ءىرى دۇكەندەرمەن كەلىسىم جاساپ, كۇنىنە 40 پاكەتكە دەيىن وتكىزىپ, 10 مىڭ تەڭگە پايدا تابا باستادى. بۇگىندە تۇتىنۋشىنىڭ تاڭداۋ مۇمكىندىگى مول. تاپشىلىق زاماندا بارىن قاناعات تۇتقان ادامدار قازىر ءاربىر ازىق-ت ۇلىك, كيىم-كەشەك, ءتۇرلى تاۋاردى ءبىر-بىرىمەن سالىستىرىپ بارىپ الادى. مەيىرلان ماركەتينگتىك امالداردى جان-جاقتى مەڭگەرىپ, تۇتىنۋشىلاردىڭ پسيحولوگياسىنا تەرەڭ بويلاي بىلەتىن قاسيەتىن ءتۇرلى سىناق, تاجىريبە جاساپ كورۋ ارقىلى ارمەن قاراي دامىتتى.
مەيىرلاننىڭ تۇلعالىق قاسيەتىن اشاتىن تاعى ءبىر ماڭىزدى تۇس – ونىڭ قارجىلىق ءتارتىبى مەن ادامگەرشىلىك قاعيداتى. ول 80 مىڭ تەڭگە شاكىرتاقىسىن ويىن-ساۋىققا ەمەس, بيزنەسىنە قاجەتتى شيكىزات پەن قاپتاماعا ينۆەستيتسيا رەتىندە جۇمسادى. ال اناسىنىڭ ەڭبەگىمەن كەلگەن كوجەدەن تۇسكەن پايدانى مىندەتتى تۇردە اناسىنا بەرەدى. ول بۇگىنگى ماسىلدىق پسيحولوگيادان ارىلا الماي جۇرگەن كەيبىر جاستاردى تۇسىنبەيتىنىن, جۇمىس ىستەيمىن دەگەن ادامعا كوپ مۇمكىندىك بارىن ايتادى. ماسىلدىق پسيحولوگيادان قۇتىلۋدىڭ جالعىز جولى – ەڭبەككە دەگەن كوزقاراستى وزگەرتۋ. حاكىم اباي ايتقانداي: «وزىڭە سەن, ءوزىڭدى الىپ شىعار, ەڭبەگىڭ مەن اقىلىڭ ەكى جاقتاپ». ناعىز تاۋەلسىزدىك بۇل قارجىلىق جانە رۋحاني ەركىندىك دەپ ەسەپتەيتىن مەيىرلان ءبىر ورىندا تۇرىپ قالعاندى ۇناتپايدى. پوپكورن ساتىپ جۇرگەندە ول جاڭا دەڭگەيگە شىعىپ, كاسىبىنىڭ ءورىسىن كەڭەيتۋدى ويلادى. ءسويتىپ, بۇگىندە بالىقشىلارعا ارنالعان قۇرال-جابدىق ساتۋدى قولعا الدى. مەيىرلاننىڭ ايتۋىنشا, بۇل كاسىپتى اعاسى ەكەۋى باستاعان. ولار قالادان ءبىر كىشىگىرىم عيماراتتى جالعا الىپ, ءىشىن بالىقشىلارعا ارنالعان اسسورتيمەنتتەرمەن تولتىرۋدا. دۇكەن ەندى اشىلعاندىقتان, مۇندا ىستەيتىن جۇمىس ءالى كوپ.
– دۇكەن اۋەسقوي بالىقشىلارعا جەم, قارماقتار, تورلار, پالاتكالار, قايىق اكسەسسۋارلارىن ۇسىنادى. ءبىز تەك تاۋار ساتۋمەن شەكتەلمەي, كەڭەس بەرۋ قىزمەتىن دە اتقارامىز. كليەنتتەرگە دۇرىس جەم تاڭداۋعا, بالىق اۋلاۋعا قانداي قارماق ءتيىمدى, پالاتكانى قالاي قۇرۋ كەرەكتىگىن, قايىققا قاجەتتى اكسەسسۋارلاردى قالاي قولدانۋ كەرەكتىگىن تۇسىندىرەمىز, – دەيدى مەيىرلان.
ستۋدەنت جىگىت بۇل كاسىپتى وقۋمەن قاتار الىپ جۇرگەنىن, بىراق ءبىرىنشى كەزەككە ءبىلىمدى قوياتىنىن ايتادى. ول دۇكەندى تولىقتاي اۆتوماتتاندىرىپ, ءوزىنىڭ قاتىسۋىنسىز جۇمىسى جۇرە بەرەتىن دەڭگەيگە شىعارعىسى كەلەدى. تايم-مەنەدجمەنتتى مەڭگەرگەن ادام وقۋعا دا, جۇمىسقا دا, جەكە ومىرىنە دە ۋاقىت تابادى.
– زىڭگىتتەي جىگىت بولا تۇرا اتا-اناعا قول سوزۋدى ۇيات دەپ سانايمىن. سوندىقتان ەڭ باس-تىسى ادامدا نيەت, جوسپار بولسا, ونى ءارى قاراي ءوزىنىڭ تىنىمسىز ەڭبەگىمەن ۇشتاستىرسا, بارلىعى ءساتتى بولارىنا سەنىمدىمىن. ءوز ىسىنە دەگەن سەنىمدىلىك – ادامنىڭ ومىرىندە العا قويعان ماقساتتارى مەن مىندەتتەرىن ورىنداۋعا جول اشاتىن كۇش. ءاربىر ادام قاراقان باسىن ويلاماي, قوعامعا پايدا تيگىزۋدى ويلاۋى كەرەك. ۋنيۆەرسيتەتتى بىتىرگەننەن كەيىن ەلگە قىزمەت ەتكىم كەلەدى. گرانتتا وقيتىندىقتان ونىڭ وتەۋى بار. ەلىمىزدە سپورت سالاسىن دامىتۋ وتە ماڭىزدى. سەبەبى الەمنىڭ نازارى سپورتقا ءتۇسىپ وتىر. سپورت ارقىلى جەتىستىككە جەتۋگە مۇمكىندىك مول, – دەيدى جاس كاسىپكەر.
ستۋدەنت-كاسىپكەردىڭ ءوز ىسىنە اسقان ۇقىپتىلىقپەن قاراپ, بارلىق جەردە ساپاعا ءمان بەرىپ وتىرعانىنا كوز جەتكىزدىك. ونىڭ بۇل ءىسى قۇرداس-زامانداستارىنا ۇلگى بولار دەگەن نيەتتەمىز.
تۇركىستان
