ەكىجاقتى كەزدەسۋلەر ءوتتى

وندا تاراپتار سەزدى دامىتۋ­دىڭ 2033 جىلعا دەيىنگى تۇجىرىم­داما­سىن ىسكە اسىرۋ باعىتىنداعى باسىم­دىقتاردى بەلگىلەدى. سونداي-اق كەلەسى جىلدىڭ قىركۇيەگىندە استانا­دا وتەتىن الەمدىك جانە ءداستۇرلى دىندەر ليدەرلەرىنىڭ VIII سەزى­ن­ە دايىندىق جوسپارىن تالقىلادى.

قاسيەتتى تاقتىڭ دىنارالىق ديالوگى جونىندەگى ديكاستەرياسى يسلام ماسەلەلەرى بيۋروسىنىڭ باسشىسى مونسەنور حالەد اكاشەمەن كەز­دەسۋدە سۇحباتتاسۋشىلار سەزد حاتشى­لىعى مەن قاسيەتتى تاقتىڭ جەمىستى ىنتىماقتاستىعىنا نازار اۋداردى. كەزدەسۋدە قاسيەتتى تاق قازاقستاننىڭ كونفەسسياارالىق جانە دىنارالىق كەلىسىمدى ىلگەرىلەتۋ جونىندەگى باستامالارىنا ۇنەمى قولداۋ كورسەتىپ كەلە جاتقانى دا ءسوز بولدى. سونداي-اق تاراپتار الداعى ون جىلعا ارنالعان سەزد تۇجى­رىمداماسىن ىسكە اسىرۋ اياسىنداعى ماڭىزدى مىندەتتەر جونىندە پىكىر الماستى.

سونىمەن قاتار ماۋلەن اشىمباەۆ قىتاي بۋدديستەر قاۋىمداستىعىنىڭ ۆيتسە-پرەزيدەنتى چجەن تسەمەن كەزدەستى. ءىس-شارادا ادامزاتتى الاڭداتقان وزەكتى پروبلەمالاردى شەشۋدە جاس ءدىن ليدەرلەرىنىڭ الەۋەتىن ءتيىمدى پايدا­لانۋ ماسەلەسى اڭگىمەگە ارقاۋ بول­دى. حاتشىلىق باسشىسى بۇل وراي­دا الەمدىك جانە ءداستۇرلى دىندەر لي­دەرلەرى سەزى مەن VI دۇنيەجۇ­زى­لىك بۋددا فورۋمىنىڭ كوزدەگەن ماق­سات­تارى ۇندەس ەكەنىنە نازار اۋداردى.

مۇسىلمان اقساقالدار كەڭەسى­نىڭ باس حاتشىسى مۇحاممەد ابدەل­سا­لام­مەن كەزدەسۋدە ماۋلەن اشىمباەۆ مەيماندى سەزدىڭ ىزگى نيەت ەلشىسى بولىپ سايلانۋىمەن قۇتتىقتادى. سونداي-اق وعان فورۋم يدەيالارىن قول­داعانى, ولاردى جۇزەگە اسى­رۋعا قوسقان بەلسەندى ۇلەسى ءۇشىن العىس ءبىلدىردى. سۇحبات كەزىندە مۇسىل­مان اقساقالدار كەڭەسى مەن الەم­دىك جانە ءداستۇرلى دىندەر ليدەر­لەرىنىڭ سەزى­نىڭ جاھاندىق دىنارا­لىق جانە ور­كە­نيەتارالىق ديالوگتى ودان ءارى دا­مى­تۋ جولىنداعى ءوزارا ءىس-قيمىل ما­سە­لەلەرى دە نازاردان تىس قالعان جوق.

ءوز كەزەگىندە مارتەبەلى مەيماندار قازاقستاننىڭ تولەرانتتىلىق پەن كەلىسىم سياقتى قۇندىلىقتاردى دارىپ­­تەۋ باعىتىندا اتقارىپ وتىر­عان اۋقىمدى جۇمىسىن جوعارى باعا­لاپ, العىسىن جەتكىزدى. بۇعان قوسا ولار ىنتىماقتاستىقتى ودان ءارى نى­عايتۋعا جانە 2025 جىلعى 17-18 قىر­كۇيەكتە «دىندەر ديالوگى: بولا­شاق جو­لىنداعى سينەرگيا» دەگەن تاقى­رىپ­پەن وتەتىن الەمدىك جانە ءداستۇر­لى دىن­دەر كوشباسشىلارىنىڭ VIII سەزىنە قاتىسۋعا دايىن ەكەنىن اتاپ ءوتتى.