«سەرپىن» سەنىم سىيلايدى

ەلىمىزدە ينۆەستيتسيا مول قۇيى­لاتىن سالانىڭ ءبىرى – ءبىلىم. مەملەكەت باسشىسى نۇرسۇلتان نازارباەۆ ۇدايى نازارىندا ۇستايتىن سالانىڭ ستراتەگيالىق ماڭىزى زور «سەرپىن-2050» باعدارلاماسى بىلتىر قولعا الىنعان بولاتىن. باعدارلاما حالقى تىعىز ورنالاسقان ەلىمىزدىڭ وڭتۇستىك ايماقتارىنداعى (ال­ماتى, وڭتۇستىك قازاقستان, جام­­بىل جانە قىزىلوردا وبلىس­تارى) جاستاردى كادر جەتىس­پەۋشىلىگى انىق بايقالاتىن شىعىس, سول­تۇستىك جانە باتىس وڭىرلەرىندە وقىتىپ, جۇمىسقا ورنالاستىرۋدى كوزدەيدى. اتالعان جوبا 2014 جىلى پەداگوگيكالىق ماماندىقتاردى قامتىعان بولسا, بيىل تەحنيكالىق جانە اۋىلشارۋاشىلىق  مامان­دىقتارىن قامتىماق. وسى ورايدا جوبانى ىسكە اسى­رۋعا قاتىساتىن جوعارى وقۋ ورىندارىنىڭ ءبىرى بولىپ بەكىتىلگەن د.سەرىكباەۆ اتىنداعى شىعىس قازاقستان مەم­لەكەتتىك تەحنيكالىق ۋنيۆەر­سيتەتىنىڭ الەۋمەتتىك دامۋ جانە تاربيە جۇمىسى جونىندەگى پرورەكتورى جاقسىكەلدى نازبيەۆ­پەن اڭگىمەلەسكەن ەدىك. جاقسىكەلدى تۇسىپقان ۇلىنىڭ ايتۋىنشا, ۋنيۆەرسيتەتكە «سەرپىن» باعدار­لاماسى بويىنشا بيىل 450 مەم­لەكەتتىك ءبىلىم گرانتى ءبولىندى. باعدارلاما نەگىزىندە اۆتوماتتاندىرۋ جانە باسقارۋ, اقپاراتتىق جۇيەلەر, ەسەپتەۋىش تەحنيكا جانە باعدارلامالىق قامتاماسىز ەتۋ, ماتەماتيكالىق جانە كومپيۋتەرلىك ۇلگىلەۋ, كەن ءىسى, مەتاللۋرگيا, گەودەزيا جانە كارتوگرافيا, ماشي­نا جاساۋ, كولىك, كولىكتىك تەحنيكا جانە تەحنولوگيا, اسپاپتار جاساۋ, جىلۋ ەنەرگەتيكاسى, ەلەكتر ەنەرگەتيكاسى, تەحنيكالىق فيزيكا, تەحنولوگيالىق ماشينالار مەن جابدىقتار, قۇرىلىس, تىرشىلىك ارەكەتىنىڭ قاۋىپسىزدىگى جانە قور­شاعان ورتانى قورعاۋ, ستاندارتتاۋ, مەترولوگيا جانە سەرتيفيكاتتاۋ, پايدالى قازبالاردى بايىتۋ, كولىك قۇرىلىسى, سۋ رەسۋرستارى جانە سۋدى پايدالانۋ, ورمان رەسۋرستارى جانە ورمان شارۋاشىلىعى, اعاش وڭدەۋ جانە اعاشتان بۇيىمدار جاساۋ تەحنولوگياسى سىندى مامان­دىقتار قامتىلدى. پرورەكتوردىڭ تۇسىندىرۋىنشە, بيىل تەحنيكالىق ماماندىقتارعا گرانتتىڭ كوپ ءبولىنۋىنىڭ سەبەبى, ەلىمىزدىڭ ەڭبەك نارىعىندا ين­جەنەرلىك ماماندارعا سۇرا­نىس­تىڭ جوعارى بولۋىندا. ءىرىلى-كىشىلى كاسىپورىنداردا, كومپانيا­لاردا, وندىرىستە ينجەنەرلەر قاجەت. ولاردىڭ جالاقىسى جوعا­رى, الەۋمەتتىك پاكەتپەن قام­تاماسىز ەتىلەدى جانە كاسىبي تۇر­عىدان ءوسۋدىڭ مۇمكىندىگى بار. بۇل ماماندىقتارعا تۇسۋدە تاڭداۋ ءپان­دەرى رەتىندە كوبىنە فيزيكا, گەوگرافيا, حيميا الىنادى. سونداي-اق, ۇبت بالىنىڭ جوعارى بولۋى مىندەت ەمەس. 50 جانە ودان كوپ بالل جيناعانداردىڭ بارلىعى وسى باعدارلاما بويىنشا وقۋعا ءتۇسۋ ءۇشىن مەملەكەتتىك ءبىلىم گرانتىنىڭ كونكۋرسىنا قاتىسا الادى. – شقمتۋ-گە وسى باعدارلاما بويىنشا وقۋعا تۇسكىسى كەلەتىندەر ءوز وبلىستارىنداعى ەڭ جاقىن جوعارى وقۋ ورنىنا بارىپ, 2015 جىلى 23-31 شىلدە ارالىعىندا مەملەكەتتىك ءبىلىم گرانتىنىڭ كونكۋرسىنا قۇجاتتارىن تاپسىرا الادى. تەك ارىزدى تولتىرعان كەزدە تاڭداعان ماماندىقتىڭ تۇسىنا شقمتۋ-ءدىڭ كودى – 012 سانىن كورسەتسە بولدى! «سەرپىن» باعدارلاماسى بويىنشا تۇسكەن ستۋدەنتتەر جاتاقحانامەن قامتاماسىز ەتىلەدى, سونداي-اق وقۋدى اياقتاعان سوڭ جۇمىسقا تۇ­رۋىنا كومەك كورسەتىلەدى. جانە وقۋعا تۇسكەن بالالاردىڭ 2 رەت ۇيىنە كەلىپ-كەتكەن جولاقى پۇ­لىن مەملەكەت تولەيدى, – دەدى ج.نازبيەۆ. زاماناۋي ءدارىسحانالارى مەن عىلىمي زەرتحانالارى, قورى ءبىر ميلليون تومنان اساتىن كىتاپحاناسى, سپورت زالى, بۇقتىرما سۋ قويماسىنىڭ جاعاسىندا ورنا­لاسقان سپورت-دەمالىس لاگەرى, اسكەري كافەدراسى بار د.سەرىكباەۆ اتىنداعى شقمتۋ-گە «سەرپىن» باعدارلاماسى بويىنشا وقۋعا تۇسكىسى كەلگەن تالاپكەرلەر ۋني­ۆەر­سيتەتتىڭ www.ەktu.kz سايتى ارقىلى تولىق اقپاراتقا قانىعا الادى. دۋمان اناش, «ەگەمەن قازاقستان». وسكەمەن.