سەنات ەسەپتەردى قارادى

كەشە قاسىم-جومارت توقاەۆتىڭ توراعالىق ەتۋىمەن پارلامەنت سەناتىنىڭ وتىرىسى بولىپ, وندا قازاقستان رەسپۋبليكاسى ۇكىمەتىنىڭ جانە رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ 2014 جىلعى رەسپۋبليكالىق بيۋدجەتتىڭ اتقارىلۋى تۋرالى ەسەپتەرى قارالدى, دەپ حابارلادى پالاتانىڭ ءباسپاسوز قىزمەتى. دەپۋتاتتاردىڭ الدىندا قارجى ءمينيسترى باقىت سۇلتانوۆ, ۇلتتىق بانك توراعاسى قايرات كەلىمبەتوۆ جانە ەسەپ كوميتەتىنىڭ توراعاسى قوزى-كورپەش جاڭبىرشين بايانداما جاسادى. وتىرىستا اتاپ وتىلگەندەي, جىل قورىتىندىسى بويىنشا قارجىلىق ءناتي­جەلەر تەڭگەرىمدەلگەن جانە بيۋدجەت ءتۇسىم­دەرى 5 989 ميلليارد تەڭگە نەمەسە تۇزەتىلگەن جوسپارعا قاراعاندا, 99,4 پايىز بولىپ قالىپتاستى. رەسپۋبليكالىق بيۋدجەتتىڭ 2014 جىلعا ارنالعان شىعىستارى 7 070 ميلليارد تەڭگەنى نەمەسە جوسپاردىڭ 99,4 پايىزىن قۇرادى. تاپشىلىق بەكىتىلگەن دەڭگەيدە – 1 081 ميلليارد تەڭگە. ەسەپ كوميتەتىنىڭ توراعاسى قوزى-كورپەش جاڭبىرشين 2014 جىلعى رەسپۋبليكالىق بيۋدجەتتىڭ اتقارىلۋى تۋرالى نەگىزگى قورىتىندىنى ايتا وتىرىپ, بيۋدجەت قارجىسىن ءتيىمدى ءارى ماقساتتى تۇردە جانە نىسانالى پايدالانۋعا قاتىستى وزەكتى ماسەلەلەرگە توقتالدى. ول, سونداي-اق, رەسپۋبليكالىق بيۋدجەتتى پايدالانۋدى جەتىلدىرۋ جانە مەملەكەت اكتيۆتەرىن باسقارۋدا تيىمدىلىكتى ارتتىرۋ جونىندەگى ۇسىنىستار ايتتى. ەسەپ قۇجاتتارىن تالقىلاۋ بارىسىندا سەناتورلار ە.نىعماتۋلين, م.باقتيار ۇلى, ق.ايتاحانوۆ, د.قۇسداۋلەتوۆ, ا.كۇزەكوۆ, ب.ەلامانوۆ, گ.كيم, ن.ورازالين, س.ەرشوۆ, ە.استاەۆ, ۆ.بوبروۆ, س.نوگەربەكوۆ, ت.مۇقاشەۆ, ب.بەكنازاروۆ بيۋدجەتتىڭ كىرىس بازاسىن جەتىلدىرۋ, مەملەكەت اكتيۆتەرىن باسقارۋدى جاقسارتۋ, اتقارۋشىلىق ءتار­تىپتەردى بۇزعانى ءۇشىن جاۋاپتىلىقتى ارتتىرۋ, قارجى مونيتورينگى جۇيەسىنىڭ پارمەندىلىگى, سالىق جانە كەدەن اكىم­شىلەن­دىرۋلەرىنىڭ تيىمدىلىگىن كۇشەيتۋ ماسە­لەلەرىن كوتەردى. ەسەپ قۇجاتتارىن تالقىلاۋدان كەيىن سەناتتىڭ قارجى جانە بيۋدجەت ءجو­نىندەگى سالالىق كوميتەتىنە پارلامەنت پالاتالارىنىڭ 17 ماۋسىمدا بولاتىن بىرلەسكەن وتىرىسىنا قوسىمشا بايانداما ازىرلەۋ تاپسىرىلدى.