كورمەگە كوركەمسۋرەت اكادەمياسى سۋرەتشىلەرىنىڭ 40-تان اسا جۇمىسى قويىلعان. كارتينا, ءمۇسىن, گوبەلەن, گرافيكا, كەستە تۇرىندەگى قولونەر تۋىندىلارىنىڭ بارلىعى ەلىمىزدىڭ باي مادەني مۇراسىن, قوعامداعى دىنارالىق جانە ۇلتارالىق كەلىسىم مەن دوستىقتى كورسەتەدى.
ءىس-شاراعا كونفەسسياارالىق جانە وركەنيەتارالىق ديالوگتى دامىتۋ ن.نازارباەۆ ورتالىعىنىڭ باسقارما توراعاسىنىڭ مىندەتىن اتقارۋشى ديانا ەسەنوۆا, مادەنيەت جانە اقپارات مينيسترلىگى ءدىن ىستەرى كوميتەتى توراعاسى ورىنباسارى ءانۋار حاتيەۆ, كوركەم سۋرەت اكادەمياسىنىڭ ۆيتسە-پرەزيدەنتى ءجۇنىسحان ەرماحان, «FICAC» دۇنيەجۇزىلىك قۇرمەتتى كونسۋلدار فەدەراتسياسىنىڭ پرەزيدەنتى نيكولاوس مارگاروپۋلوس, ءدىني بىرلەستىكتەر, حالىقارالىق ۇيىمداردىڭ, عىلىمي-ساراپشىلىق قوعامداستىقتىڭ وكىلدەرى قاتىستى.
ءدىن ىستەرى كوميتەتى توراعاسىنىڭ ورىنباسارى ءا.حاتيەۆ بۇل كورمە ءتۇرلى مادەنيەتتەر مەن دىندەر اراسىندا ونەر ءوزارا تۇسىنىستىك پەن سەرىكتەستىكتىڭ كوپىرى بولا الاتىنىنىڭ جارقىن ۇلگىسى ەكەنىن اتاپ ءوتتى.
ء«بىز ونەردىڭ ءدىني داستۇرلەردىڭ تەرەڭدىگىن ايقىنداپ, ءتۇرلى كونفەسسيالار اراسىنداعى تۇسىنىستىكتى نىعايتىپ, قازىرگى زامانداعى دىنارالىق ديالوگتىڭ ماڭىزىن ارتتىراتىنىن كورىپ وتىرمىز. قازاقستان سەكىلدى كونكونفەسسيالى ءارى كوپۇلتتى ەلدە دوستىق پەن ىنتىماقتى ارتتىرۋعا باعىتتالعان ءاربىر ءىس قۇندى», دەدى ءا.حاتيەۆ.
«FICAC» دۇنيەجۇزىلىك – قۇرمەتتى كونسۋلدار فەدەراتسياسىنىڭ پرەزيدەنتى نيكولاوس مارگاروپۋلوستىڭ ايتۋىنشا, بۇل ءىس-شارا قازاق ەلىندەگى وركەنيەتارالىق ديالوگ پەن بەيبىت ءومىردىڭ ناقتى كورىنىسى.
ء«بىز الەمدىك جانە ءداستۇرلى دىندەر كوشباسشىلارى سەزىنىڭ XXII حاتشىلىعى وتىرىسىنىڭ قارساڭىندا كەزدەسىپ وتىرمىز. بۇل كورمەدە كورىنىس تاۋىپ وتىرعان تاقىرىپتار دا سەزد ميسسياسىمەن ۇندەسىپ جاتىر. ءبىزدىڭ سەنىمدەرىمىز بەن سالت-ءداستۇرىمىز ءارتۇرلى بولعانىمەن, ءوزارا سىيلاستىق پەن ىنتىماقتاستىققا باعىتتالعان نيەتىمىز ءبىر», دەدى ول.
«ونەر – ادامنىڭ ءارتۇرلى مەكەندە, ءارتۇرلى جاعدايدا ءوز ويى مەن اسەرىن بەرە الاتىن تۇتاس عىلىم. بۇل كورمەدە ءتۇرلى ستيلدە, ءتۇرلى جانردا سالىنعان, قازاقستاننىڭ باي تابيعاتىن بەينەلەيتىن كوپتەگەن ەڭبەك قويىلعان. ءبىزدىڭ بۇگىنگى قوناقتارىمىز, ونىڭ ىشىندە قۇرمەتتى كونسۋلدار كارتينالار ارقىلى ۇلى دالانىڭ ارالۋاندىعىن كورىپ, ءوز مەملەكەتتەرىندە قازاقستان تۋرالى بايانداپ بەرەدى دەپ سەنەمىز», دەپ پىكىرىن ءبىلدىردى بەلگيا كورولدىگىنىڭ قۇرمەتتى كونسۋلى, قۇرمەتتى كونسۋلدار باسقارماسىنىڭ باسشىسى دەنيس ۆان دەن ۆەيح. كورمەنىڭ اشىلۋىندا يتاليا كونسۋلدىعىنىڭ قىزمەتكەرلەرى الماتى وبلىسىنىڭ اسەم تاۋلارى بەينەلەنگەن كارتينانى ساتىپ الدى. ءىس-شارا سوڭىندا قاتىسۋشىلار الەم حالىقتارىنىڭ دىندەرى مەن مادەنيەتىنە دەگەن قۇرمەتتى قالىپتاستىرۋ, كونفەسسياارالىق ديالوگتى جالعاستىرۋ جانە حالىقارالىق بەيبىتشىلىك پەن قاۋىپسىزدىكتى نىعايتۋ جولىندا تىزە قوسىپ ەڭبەك ەتۋدىڭ ماڭىزىن اتاپ ءوتتى.
