«CodiPlay» جوباسى – وقۋشىلارعا كومپيۋتەر ءتىلى مەن روبوتتەحنيكانى ويىن تۇرىندە ۇيرەتەتىن پلاتفورما. ول مەكتەپتەگى ساباق ۇدەرىسىنە كەدەرگى كەلتىرمەي, مۇعالىم مەن وقۋشىنىڭ بىرلەسە جۇمىس ىستەۋىنە مۇمكىندىك بەرەدى. وتاندىق ءونىم از ۋاقىتتا ۇلىبريتانيا, وڭتۇستىك كورەيا, ساۋد ارابياسى سياقتى الەمنىڭ كوپتەگەن ەلىندە مەكتەپ باعدارلاماسىنا ەنگىزىلگەن. اتالعان جوبا بۇگىندە الەمنىڭ 13 ەلىندە قولدانىلادى. نەگىزگى ماقساتىمىز – بالالاردىڭ تسيفرلىق ساۋاتتىلىعىن ارتتىرۋ», دەيدى جوبا جەتەكشىسى ءجانادىل تالدىباەۆ.
ء«ار ەلدىڭ سالتى باسقا...»
جاڭا وقۋ جىلى بىزدىكىندەي 1 قىركۇيەكتە باستالمايتىن ەلدەر كوپ ەكەن. بۇل جىل مەزگىلدەرىنىڭ ەرەكشەلىگىمەن بايلانىستى.
مىسالى, اۋستراليالىق وقۋشىلار كۇزدەن ەمەس, قىستان باستاپ وقيدى. ءتىپتى ولاردا باعالاۋ جۇيەسى دە وزگەشە. «1» دەگەن ەڭ جوعارى بالل, ال «5» كەرىسىنشە ەڭ ناشار باعا دەگەندى بىلدىرەدى. ال جاپوندىق بالالار جاڭا وقۋ جىلىنا ءساۋىر ايىندا كىرىسەدى. ويتكەنى بۇل حالىق ءۇشىن كوكتەم جاڭا ءومىردىڭ باستاۋى سانالادى. وقۋ مەرزىمى ءۇش كەزەڭگە بولىنگەن. العاشقىسى شىلدەگە دەيىن جالعاسىپ, بالالار جازعى دەمالىسقا كەتەدى. سوسىن قىركۇيەكتە باستالاتىن ەكىنشى سەمەستر جەلتوقساننىڭ سوڭىندا اياقتالادى دا, سوڭعى كەزەڭ قاڭتاردان ناۋرىزعا دەيىن سوزىلادى. جەرگىلىكتى مەكتەپتەردە وقۋشىلاردىڭ ءتارتىبى مەن سىرتقى كەلبەتىنە قاتىستى دا تالاپ قاتاڭ. مۇندا بالانى ەڭبەككە باۋلۋ تاربيەنىڭ ماڭىزدى بولىگى سانالادى. سوندىقتان وقۋشىلار سىنىپتاردى وزدەرى جيناپ, وزدەرى جۋادى.
ۇشقىش روبوت
يتاليا عالىمدارى ۇشاتىن روبوت جاسادى. ءتۇر تۇلعاسى ادامعا ۇقسايتىن قۇرىلعىعا 4 رەاكتيۆتى قوزعالتقىش ورناتىلعان.
قۇلتەمىردىڭ سالماعى 70 كيلو. ايتسە دە قينالماي ۇشادى. ونىڭ نەگىزگى قىزمەتى – قۇتقارۋشىلاردىڭ جۇمىسىن جەڭىلدەتۋ. «روبوتتى تابيعات اپاتى كەزىندە قولدانعان دۇرىس. ادامداردىڭ قاتىناۋىنا, نە جۇمىس ىستەۋىنە قيىن ايماقتار بولادى. سونداي ساتتە تەحنولوگيانى قاشىقتان باسقارا الامىز. ءسويتىپ, روبوت ىزدەستىرۋ ءارى قۇتقارۋ وپەراتسيالارىنا قاتىسىپ, العاشقى كومەكتى كورسەتەدى», دەيدى جوبا جەتەكشىسى دانيەل پۋچچي.
