فوتو:medservise24.ru
ەپيدەميولوگتىڭ ايتۋىنشا, جرۆي جانە تۇماۋمەن سىرقاتتانۋعا ەپيدەميولوگيالىق قاداعالاۋ جۇرگىزىلىپ جاتىر, وعان COVID-19 زەرتحانالىق زەرتتەۋلەرى دە كىرەدى.
«كوروناۆيرۋستى ەرتە انىقتاۋ ماسەلەسى السىرەگەن جوق, قاداعالاۋ بارلىق جەردە جۇرگىزىلىپ جاتىر. قاڭتار ايىنىڭ باسىنان باستاپ الماتىدا تۇرعىندار اراسىندا كوروناۆيرۋس اۋرۋىنىڭ 302 زەرتحانالىق راستالعان جاعدايى تىركەلدى. سوڭعى جەتى كۇندە - 9 جاعداي, بۇل وتكەن اپتادا انىقتالعان جاعدايلاردىڭ سانىنان ەكى ەسە كوپ», دەدى اسەل قالىقوۆا.
سونىمەن قاتار قالىقوۆا قالادا ينفەكتسياعا قارسى ۆاكتسينا جوق ەكەنىن اتاپ ءوتتى.
«دەنساۋلىق ساقتاۋ مينيسترلىگى رەسپۋبليكانى ۆاكتسينامەن قامتاماسىز ەتۋ بويىنشا ءتيىستى شارالار كەشەنىن قابىلداپ جاتىر», دەپ ناقتىلادى ەپيدەميولوگ.
ەسكە سالا كەتەيىك, بۇعان دەيىن قازاقستاننىڭ باس سانيتارلىق دارىگەرىنىڭ مىندەتىن اتقارۋشى نۇرقان سادۋاقاسوۆتىڭ اۋرۋحانالارداعى مەديتسينا قىزمەتكەرلەرىنە ماسكا كيۋ رەجيمىن قايتارۋ تۋرالى جارلىعى جاريالانعان ەدى.
