اقىل, پاراساتى مول ايتەكەڭ ۇلتىمىزدىڭ كوپتەگەن اقىن-جازۋشىسىن, ونەر ادامدارىن ءجيى-ءجيى اۋدانعا شاقىرىپ, قوناق ەتكەن. كەيبىرەۋىمەن, ءتىپتى دوستاس, سىرلاس تا بولعانى بەلگىلى. قازاق ادەبيەتىنىڭ كلاسسيگى, ءسوز زەرگەرى عابەڭ, عابيت مۇسىرەپوۆپەن دە ءاردايىم اڭگىمەسى جاراسىپ, جاقسى سىيلاسقان. دارا سۋرەتكەر مويىنقۇم جەرىندە ءۇش-ءتورت رەت اسا قادىرلى مەيمان بولىپ, اڭ اتقان, بالىق اۋلاعان, ءتىپتى بىرگە كەلگەن سەرىكتەرىمەن تاڭدى-تاڭعا ۇرىپ, تالاي رەت كارتا-پرەفەرانس ويناعان.
ال ەندى وسىنداي ءوزارا قارىم-قاتىناستان كەيىن عابەڭنىڭ مويىنقۇمعا قالايشا بۇيرەگى بۇرمايدى. سوندىقتان ول كىسىنىڭ مىنا سۋرەتتەگىدەي قۇمدى ولكە ازاماتتارىنىڭ اراسىنان تابىلۋىنىڭ دا وزىنشە ءبىر ءمانى بار.
...1973 جىلى 22 قاراشادا قازىرگى تاراز, بۇرىنعى جامبىل قالاسىندا وبلىس ينتەلليگەنتسياسىنىڭ ءى سەزى وتكىزىلىپ, بۇل القالى باسقوسۋعا عابەڭ دە قاتىسقان. ءيا, شىرايلى, شىنايى شىعارمالارىمەن قازاق ادەبيەتىنەن ويىپ تۇرىپ ورىن العان جازۋشى جامبىل وبلىسى زيالى قاۋىمىنىڭ جيىنىنا مويىنقۇم اۋدانىنان سايلانعان دەلەگاتتاردىڭ قاق ورتاسىندا وتىر. باياعى وزىنە عانا ءتان, وزىنە عانا جاراساتىن ماڭعاز, تاكاپپارلاۋ كەيىپتە...
سول جاعىندا ايتەكەڭ, ايتباي نازاربەكوۆ, وڭ جاعىندا مويىنقۇم اۋپارتكومىنىڭ ەكىنشى حاتشىسى ءبيلىباي قاشاعانوۆ (قالىڭ قازاققا تانىمال مەملەكەت جانە قوعام قايراتكەرى ەكەيباي قاشاعانوۆتىڭ ءىنىسى) پەن بىلىكتى پەداگوگ, مەكتەپ ديرەكتورى, سونداي-اق مىقتى اڭشى, بالىقشى بولعان مايدانگەر ءاليحان ەسجانوۆ.
قالعاندارىنىڭ اتىن اتاپ, ءتۇسىن تۇستەۋگە گازەت بەتى كوتەرمەيدى عوي...
بەرىكباي قادىقوۆ,
جۋرناليست
الماتى وبلىسى,
قاراساي اۋدانى
