فوتو: haberler.com سايتىنىن
پرەمەر-مينيستر پەدرو سانچەس ويىنشىنى قولداپ, ونىڭ ارەكەتىن «ميلليونداعان يسپاندىقتاردىڭ» پالەستينالىقتارمەن تىلەكتەستىگىن ءبىلدىرۋى دەپ باعالادى. الايدا «بارسەلونا» كلۋبى بۇل ارەكەتتى ءيامالدىڭ «جەكە شەشىمى» دەگەندى ايتىپ قالدى. بۇعان قوسا, كلۋب يزرايلدىك جانكۇيەرلەرگە رەسمي حات جولداعانى ايتىلادى.
«رەالدىڭ» 8 ويىنشىسى «بارسەلوناعا» قارسى وينامايدى: تىزىمدە مباپپە دە بار
تەگى ماروككولىق ويىنشى ءيامالدىڭ پالەستينا تۋىن كورسەتۋى تەل-اۆيۆتە دە نازاردان تىس قالمادى. يزرايل قورعانىس ءمينيسترى يسراەل كاتس بۇل ارەكەتتى «ارانداتۋشىلىق» جانە «جەككورۋشىلىكتى تۇتاندىرۋ» دەپ اتادى.
«بۇل ارەكەت – ويىنشىمەن ماقتانۋعا تاعى ءبىر سەبەپ», دەپ جاۋاپ بەردى يسپانيا پرەمەر-ءمينيسترى الەۋمەتتىك جەلىدە.
بۇل جاعداي يسپانيا مەن يزرايل اراسىنداعى قارىم-قاتىناستىڭ ناشارلاۋى اياسىندا بولدى. مادريد گازاداعى سوعىسقا بايلانىستى ءيزرايلدى قاتتى سىنعا الدى. يسپانيا 2024 جىلى پالەستينا مەملەكەتىن رەسمي تۇردە مويىنداعان العاشقى ءىرى ەۋروپالىق ەلدەردىڭ قاتارىنا قوسىلدى.
سونىمەن قاتار, سانچەس پالەستينانى مويىنداۋ يزرايلگە قارسى ۇستانىمدى بىلدىرمەيتىنىن ايتتى. سوڭعى ايلاردا ول يزرايلمەن سەرىكتەستىك تۋرالى كەلىسىمدى توقتاتا تۇرۋعا شاقىرىپ, ەۋروپا وداعىن «ەكىجاقتى پوزيتسيا» قولدانادى دەپ ايىپتادى.
