«نۇرا» اۋدانىنىڭ پروكۋراتۋراسى زاڭسىز قۇرىلىس نىساندارىن انىقتاۋ جانە جولىن كەسۋ بويىنشا بەلسەندى جۇمىستاردى جالعاستىرىپ جاتىر. ساۋلەت باسقارماسىمەن, «استانا گەنپلان» جشس-مەن جانە مەملەكەتتىك ساۋلەت-قۇرىلىس باقىلاۋى باسقارماسىمەن (مسقب) بىرلەسكەن قاداعالاۋ ءىس-شارالارى بارىسىندا ەلورداداعى قۇرىلىس الاڭدارىندا ەلەۋلى زاڭبۇزۋشىلىقتار انىقتالدى.
اتاپ ايتقاندا, ش. ايتماتوۆ كوشەسى, 24/8 ۋچاسكەسىنىڭ ماڭىندا جاپسارلاس ءۇي-جايلارى مەن پاركينگى بار كوپپاتەرلى تۇرعىن ءۇي كەشەنىنىڭ قۇرىلىسى انىقتالدى. تەكسەرۋ بارىسىندا قۇرىلىس-مونتاج جۇمىستارى ساراپتامانىڭ وڭ قورىتىندىسىنسىز جانە قۇرىلىس-مونتاج جۇمىستارىنىڭ باستالعانى تۋرالى حابارلاماسىز جۇرگىزىلىپ جاتقانى بەلگىلى بولدى.
20 جاستاعى جىگىت قۇرىلىس الاڭىندا قولىنان ايىرىلدى: جۇمىس بەرۋشى كىنالى دەپ تانىلدى
سونىمەن قاتار, ش. ايتماتوۆ كوشەسى مەن ە164 كوشەسىنىڭ قيىلىسىندا جاپسارلاس ءۇي-جايلارى, مەديتسينالىق ورتالىعى جانە پاركينگى بار كوپپاتەرلى تۇرعىن ءۇي كەشەنىنىڭ قۇرىلىسى انىقتالدى. قۇرىلىس جەر ۋچاسكەسىنە ءتيىستى قۇقىقسىز, جوبالىق-سمەتالىق قۇجاتتاماسىز, قۇرىلىس-مونتاج جۇمىستارىنىڭ باستالعانى تۋرالى حابارلاماسىز, سونداي-اق ساراپتاما قورىتىندىسىز جۇرگىزىلگەن.
پروكۋراتۋرا جۇمىستاردى توقتاتۋ تۋرالى حابارلامالار العانىنا قاراماستان, زاڭ تالاپتارىن ەلەمەگەن قۇرىلىس سالۋشىلارعا ەرەكشە نازار اۋدارادى. قالا قۇرىلىسى سالاسىنداعى زاڭدىلىقتى قامتاماسىز ەتۋ جۇمىستارى تۇراقتى باقىلاۋدا.
ەلوردا پروكۋراتۋراسى ساۋلەت جانە قالا قۇرىلىسى سالاسىنداعى زاڭنامانى بۇزعانى ءۇشىن جاۋاپكەرشىلىك قاراستىرىلعانىن ەسكە سالدى.
