تسيفرلىق عىلىمي پورتال «ۇلتتىق يننوۆاتسيالىق جۇيەنىڭ بىرىڭعاي تەرەزەسى» اقپاراتتىق جۇيەسى نەگىزىندە ازىرلەندى. ونى قۇرۋ ءۇشىن مەملەكەتتىك ورگانداردىڭ, عىلىمي-زەرتتەۋ ينستيتۋتتارى مەن ۋنيۆەرسيتەتتەردىڭ وكىلدەرىن قامتيتىن ارنايى توپ قۇرىلدى.
پورتال پايدالانۋشىلارعا عىلىمي كونفەرەنتسيالاردى, سەمينارلار مەن فورۋمداردى ىزدەۋدى جانە ولارعا قاتىسۋدى جەڭىلدەتەتىن ء«ىس-شارالار» ءمودۋلىن ۇسىنادى. ءاربىر پايدالانۋشى ءوزىن قىزىقتىراتىن ءىس-شارانى تاۋىپ, قاتىسۋعا ءوتىنىم بەرە الادى, ال ۇيىمداستىرۋشىلار جۇمىستارىن جاريالاپ, وتىنىمدەردى قابىلدايدى. پورتالدىڭ «عىلىمي جاريالانىمدار» ساناتىندا عىلىمي زەرتتەۋلەر جاريالاۋعا, عىلىمي ءىس-شارالار ۇيىمداستىرۋعا, سونداي-اق ساراپتامالىق اقپاراتقا قول جەتكىزۋگە بولادى. ال «E-labs لابوراتوريالار بازاسى» زەرتحانالار, جابدىقتار جانە عىلىمي ۇيىمدار تۋرالى اقپارات ۇسىنادى. عىلىمي ۇيىمنىڭ وكىلدەرى پورتالعا تىركەلىپ, ءوز زەرتحانالارى تۋرالى اقپاراتتى «astanahub.com» سىلتەمەسى بويىنشا ەنگىزەدى. بۇل عىلىمي رەسۋرستاردى ءتيىمدى كورسەتۋگە, جاڭا سەرىكتەستەر تارتۋعا جانە كاسىبي بايلانىستار جەلىسىن كەڭەيتۋگە ۇلكەن سەپتىگىن تيگىزەدى.
