«ۆايتومو وتتارى» دەپ اتالاتىن ۇڭگىردە بىردە-ءبىر ەلەكتر شامى جوق, بىراق جاپ-جارىق. مۇنداعى جالعىز جارىق كوزى – ءتىرى شامداردىڭ قىزمەتىن اتقاراتىن ۇساق ماسالار. تۋريستەر ۆايتومو وتتارى ۇڭگىرىنە بارۋدىڭ ەڭ جاقسى ۋاقىتى جەلتوقساننان ناۋرىزعا دەيىنگى مەرزىم ەكەنىن ەسكەرۋى كەرەك.
كريستالدار كەرەمەتى
2000 جىلى اشىلعان مەكسيكاداعى ۇڭگىردەن بيىكتىگى 15 مەتر, قالىڭدىعى 3 مەتر بولاتىن بۇرىن-سوڭدى كەزدەسپەگەن ەڭ ۇلكەن كريستالدار تابىلدى.
ۇڭگىر نايكا تاۋلى قالاشىعىنىڭ استىندا, 300 مەتر تەرەڭدىكتە ورنالاسقان. الىپ كريستالدار مينەرالدى گيپستەن تۇزىلگەن. بۇل جەر تۋريستەر ءۇشىن جابىق. ويتكەنى ونداعى تەمپەراتۋرا +58 تسەلسي گرادۋستا, ال ىلعالدىلىق توقسان بەس پايىزعا دەيىن جەتەدى. زەرتتەۋشىلەر ۇڭگىرگە كىرەردە ارنايى تىنىس الۋ جابدىعى بار, جىلۋدان قورعايتىن كوستيۋم كيەدى. سونىڭ وزىندە ول جەردە تەك 10 مينۋت قانا تۇرۋعا مۇمكىندىك بار.
ءانشى ۇڭگىر
تورتكۇل دۇنيەنىڭ تۋريستەرىن ءتانتى ەتكەن ستاففا ارالى شوتلاند جاعالاۋىنا تابان تىرەگەن. ونىڭ سىرت كەلبەتى ەرەكشەلەنبەيدى, بىراق ىشكى كورىنىسى تامساندىرماي قويمايدى. ارال سان الۋان ارحيتەكتۋرالىق پەيزاجعا يە. سەبەبى بۇل ارالدا فينگال ۇڭگىرى ورنالاسقان.
ۇڭگىردىڭ ۇزىندىعى – 75 مەتر, ەنى – 14 مەتر, بيىكتىگى – 20 مەتر. ونىڭ وزگەشەلىگى – اكۋستيكاسىندا. ءۇن بۇكىل ۇڭگىرگە تاراپ, دىبىس تولقىنى بازالت باعاناسىنا سوقتىعىسادى. كەلۋشى قۇلاق قۇرىشىن قاندىرعان اسەم اۋەندى بەيمالىم مۋزىكانت ورىنداپ جاتىر دەپ ويلاۋى مۇمكىن. سونداي-اق ۇڭگىردىڭ التىبۇرىشتى بازالت باعاندارىنان تۇراتىن ىشكى قابىرعالارى ەرەكشە كورىنىسكە يە. ءتىپتى كەيبىر كەلۋشىلەر ولاردى ادامنىڭ كۇشىمەن سالىنعان دەپ سانايدى ەكەن. بىراق بۇل – تابيعاتتىڭ جاراتىلىسى.
