ول – الماتىداعى احمەت جۇبانوۆ اتىنداعى رەسپۋبليكالىق قازاق مامانداندىرىلعان مۋزىكا مەكتەپ-ينتەرناتىنىڭ وقۋشىسى. كىشكەنتايىنان سكريپكاعا اۋەس. ونىڭ ايتۋىنشا, استانادا وتكەن ونەر سايىسىندا اۋستريادان كەلگەن پروفەسسور گەرنوت ۆينيشحوفەر ساعاداتتىڭ تالانتىن بايقاپ, سانكت-پەلتەندەگى بايقاۋعا شاقىرعان. سول جارىستا قازاق بالاسىنىڭ بەتحوۆەن مەن موتسارتتىڭ شىعارمالارىن شىرايىنا كەلتىرىپ ورىنداعانىن كورگەن شەتەلدىك شەبەرلەر ونىڭ ونەرىن جوعارى باعالاپتى.
«مەن وسى جولدا كوپ ەڭبەكتەندىم. كۇنىنە 3-4 ساعاتتان دايىندالدىم. بۇگىن ەڭبەگىمنىڭ اقتالعانىنا قاتتى قۋانىشتىمىن. ارينە, بۇل جەڭىستى جولىمنىڭ باستاۋى عانا. بولاشاقتا بۇدان دا بيىك بايقاۋلاردا ەل مەرەيىن اسقاقتاتامىن دەگەن ويدامىن», دەيدى س.ومارعازين.
