حيرۋرگ روبوتتى شانحايداعى كابينەتىندە وتىرىپ باسقارعان, ال ناۋقاستىڭ ءوزى شىڭجاڭ-ۇيعىر اۆتونوميالىق اۋدانى قاشقار قالاسىنداعى وپەراتسيا بولمەسىندە بولعان. جەرگىلىكتى اۋرۋحانادا قاجەتتى بىلىكتىلىگى بار حيرۋرگتەر بولماعاندىقتان, ولار قىتايلىق «MedBot» كومپانياسى جاساعان حيرۋرگيالىق قۇلتەمىردى قولدانۋدى ۇيعاردى. وپەراتسيا جاساعان جەتەكشى حيرۋرگ لۋو تسينتسيۋاننىڭ ايتۋىنشا, ول 5G بايلانىسىن قولدانۋدىڭ ارقاسىندا 5 مىڭ شاقىرىم قاشىقتىقتا ورنالاسقان روبوتتى باسقارۋ كەزىندە ەشقانداي كىدىرىس سەزىنبەگەنىن اتاپ ءوتتى. ناتيجەسىندە, وپەراتسيا ءساتتى اياقتالعان.
