فوتو: پاۆلودار وبلىسى اكىمدىگى
پاۆلودار وبلىسى اكىمدىگىنىڭ ءباسپاسوز قىزمەتى كاسىپورىن اۋماعىندا ىزدەۋ-قۇتقارۋ جۇمىستارى جالعاسىپ جاتقانىن حابارلادى.
«24 شىلدە كۇنى كەشكى ۋاقىتتا اۆتوبۋس قاڭقاسى تابىلدى. كەشە جاڭبىر جاۋىپ, جەل سوققان ەدى, وسىعان بايلانىستى قۇتقارۋ جۇمىسى توقتاتىلعان ەدى. بۇگىن تاڭعى ساعات 5:00-دە قازۋ جۇمىستارى جالعاستى. قازىر ءبىز كولىكتىڭ الدىڭعى جاعىنا جەتتىك, بەتىندە بامپەر مەن دوڭگەلەگى كورىنىپ تۇر», دەلىنگەن اكىمدىك حابارلاماسىندا.
ايتا كەتەيىك, توتەنشە جاعداي سالدارىنان جەر استىنا ءتۇسىپ كەتكەن ءتورتىنشى قۇتقارۋشى, 55 جاستاعى جۇرگىزۋشى ايىپ تىلەۋبەرگەنوۆتىڭ دەنەسى ءالى تابىلعان جوق.
