فوتو: ساۋدا جانە ينتەگراتسيا مينيسترلىگىنىڭ ءباسپاسوز قىزمەتى
ارمان شاققاليۆتىڭ ايتۋىنشا, شانحاي ىنتىماقتاستىق ۇيىمىنىڭ ءسامميتى قارساڭىنداعى بۇل كەزدەسۋ ماڭىزدى سيپاتقا يە, ويتكەنى ول ساۋدا سالاسىندا قول جەتكىزىلگەن كەلىسىمدەردى ىسكە اسىرۋدىڭ نەگىزگى باعىتتارىن ايقىندايدى. 2024 جىل ء«بىر بەلدەۋ – ءبىر جول» جاھاندىق باستاماسىن ودان ءارى ىلگەرىلەتۋ ءۇشىن ماڭىزدى جىل.
«وتكەن جىلدىڭ قاراشا ايىنداعى كەزدەسۋدە ءبىز ءوزارا ساۋدا كولەمىن $40 ملرد-قا جەتكىزۋ تۋرالى ايتقان بولاتىنبىز. بۇگىن تاۋار اينالىمىن ايتارلىقتاي ارتتىرۋ بويىنشا جاڭا ءورشىل ماقسات قويىلدى. ءبىز قىتاي تاراپىنا جوعارى ساپالى ستاندارتتالعان ءونىمنىڭ كەپىلدى كولەمىن ۇسىنىپ, ولاردىڭ قاجەتتىلىكتەرىن قاناعاتتاندىرۋعا دايىنبىز. ەڭ باستىسى, ءبىز QazTrade ەكسپورتتى ىلگەرىلەتۋ كومپانياسى مەن ەكسپورتتىق-كرەديتتىك اگەنتتىگىنىڭ شيكىزاتتىق ەمەس ەكسپورتتى دامىتۋ جانە ىلگەرىلەتۋ جونىندەگى ۇلتتىق ينستيتۋتى اياسىندا قازاقستاندىق بيزنەسكە سەنىمدى سەرىكتەستىك ۇسىنا الامىز», دەپ حابارلادى ساۋدا جانە ينتەگراتسيا ءمينيسترى.
ەكى ەل اراسىنداعى جۇمىس ىستەۋدىڭ نەگىزگى باعىتى سالالىق ەرەكشەلىكتەرى مەن ەكونوميكالىق قۇرامداستارىن ەسكەرە وتىرىپ, ايماقتاندىرۋ قاعيداتى بويىنشا ءاربىر پروۆينتسيامەن ىنتىماقتاستىقتى دامىتۋعا باعىتتالعان. بۇل ءتاسىل قازىردىڭ وزىندە سىچۋان, تسزيانسۋ جانە شۇار پروۆينتسيالارىندا بەيىمدەلىپ جاتىر.
ء«بىز قازىردىڭ وزىندە قىتاي ءۇشىن نەگىزگى اۋىل شارۋاشىلىعى تاۋارلارى بويىنشا وڭ ناتيجەلەردى بايقاپ وتىرمىز. وتكەن جىلدىڭ وسى كەزەڭىمەن سالىستىرعاندا شۇار-مەن ساۋدا 50%-عا ءوستى, ونىڭ ىشىندە ەكسپورت 35,3%-عا ارتتى. سىچۋان پروۆينتسياسىنا ەكسپورت 30%-عا, ال تسزيانسۋعا ەكسپورت 10 ەسەدەن استام ءوستى. وسى جىلدىڭ قىركۇيەك ايىندا نانكيندە «ورتالىق ازيا – تسزيانسۋ» ءىرى ساۋدا ورتالىعى اشىلادى», دەپ قوستى ارمان شاققاليەۆ.
ءمينيستردىڭ ايتۋىنشا, ماڭىزدى باعىتتاردىڭ ءبىرى - ورتالىق ازيا تاۋارلارىن ىلگەرىلەتۋ جانە ايماق ونىمدەرىن قىتايدىڭ ەلەكتروندىق كوممەرتسيا پلاتفورمالارىنداعى ورتالىق ازيا ونلاين پاۆيلونى نەمەسە C5+قىتاي فورماتىنداعى ساۋدا الاڭىندا ينتەگراتسيالاۋ. قىتايدىڭ Alibaba.com (B2B سەگمەنتىندە) جانە jd.com (B2C سەگمەنتىندە) ءىرى ماركەتپلەيستەرىمەن ىنتىماقتاستىق ورناتىلعان.
«قحر-مەن ساۋدا-كولىك بايلانىسىن جاقسارتۋ اياسىندا ءبىز ورتالىق ازيا ونىمدەرىن قىتاي نارىعىنا قولجەتىمدىلىكتى جاقسارتۋ ءۇشىن ەلەكتروندىق ساۋدا, ساۋدا بايلانىسى جانە ايماقتىق جوبا «قىتاي - ورتالىق ازيا» باستاماسىن ۇسىنۋدى ۇسىنامىز. مۇندا قىتاي تاراپىنان سەرىكتەستەر مەن ولاردىڭ رەسۋرستارىن تارتۋ, ال ءبىزدىڭ تاراپىمىزدان QazTrade-ءتى تارتۋ ۇسىنىلادى, ول بۇل جوبانى ىسكە اسىرۋدا قىتايداعى ارىپتەستەرمەن ىنتىماقتاستىقتا ادىستەمەلىك جانە كونسۋلتاتسيالىق قولداۋ كورسەتەدى», دەپ اتاپ ءوتتى مينيستر.
سونىمەن قاتار قحر كوممەرتسيا ءمينيسترى ۆان ۆەنتاو ساپار اياسىندا قحر كوممەرتسيا مينيسترلىگى قازاقستان ۇكىمەتىمەن ساۋدا, ەنەرگەتيكا, اۋىل شارۋاشىلىعى, كولىك جانە باسقا دا سالالاردى قامتيتىن جول كارتاسىنا قول قوياتىنىن اتاپ ءوتتى.
«ەلەكتروندىق كوممەرتسيا سالاسىنداعى ىنتىماقتاستىعىمىز اياسىندا ءبىز وسى باعىتتا كىشى كوميتەتىمىز اياسىندا جۇمىس توبىن قۇرا الامىز. ءبىز سونداي-اق قازاقستاندىق ەكسپورتتاۋشىلاردى قىتاي نارىعىندا قولداۋ كورسەتىپ, QazTrade كومپانياسىمەن تىعىز ىنتىماقتاسۋعا دايىنبىز. ءبىزدىڭ مينيسترلىكتە وسى ىنتىماقتاستىق اياسىندا پراكتيكالىق مىندەتتەردى ورىندايتىن ساۋدا دامۋى بيۋروسى جۇمىس ىستەيدى», دەدى قحر كوممەرتسيا ءمينيسترى ۆان ۆەنتاو.
كەزدەسۋ سوڭىندا ارمان شاققاليەۆ قازاقستاننىڭ شانحاي كورمەسىنە قاتىسۋدى جالعاستىرۋعا نيەتتى ەكەنىن جانە قازاقستاندىق كومپانيالاردىڭ قاتىسۋىن ۇيىمداستىرۋدا كومەك پەن قولداۋ كورسەتكەنى ءۇشىن قحر كوممەرتسيا مينيسترلىگىنە العىسىن ءبىلدىردى.
