فوتو: kaztag.info
«2024 جىلعى 27 ماۋسىمدا استانا, الماتى, شىمكەنت, پاۆلودار, بالقاش قالالارىندا اۋا لاستانىپ, قولايسىز مەتەورولوگيالىق جاعدايلار كۇتىلەدى», دەلىنگەن حابارلامادا.
قولايسىز اۋا رايى جاعدايلارى – اتموسفەرالىق اۋانىڭ جەر قاباتىندا زياندى (لاستاۋشى) زاتتاردىڭ جينالۋىنا ىقپال ەتەتىن قىسقا مەرزىمدى مەتەورولوگيالىق فاكتورلاردىڭ (تىنىش, از جەل, تۇمان, ينۆەرسيا) جيىنتىعى.
سونداي-اق سينوپتيكتەر قازاقستان اۋماعىنداعى سينوپتيكالىق جاعداي مەن قاۋىپتى اۋا رايى قۇبىلىستارىنىڭ بولجامىن ۇسىندى.
«سولتۇستىك-باتىس تسيكلونى جانە ونىمەن بايلانىستى اتموسفەرالىق فرونتالدى بولىمدەر قازاقستان اۋماعى ارقىلى جىلجىپ, ناتيجەسىندە ەلىمىزدە نايزاعاي ويناپ, جاڭبىر جاۋادى, ەلدىڭ باتىسىندا, سولتۇستىك-باتىسىندا قاتتى جاڭبىر جاۋادى. تەك شىعىستا, تۇركىستان, پاۆلودار وبلىستارىنىڭ ورتالىعىندا, جەتىسۋ وبلىسىندا جاۋىن-شاشىنسىز اۋا رايى ساقتالادى. رەسپۋبليكا بويىنشا جەلدىڭ كۇشەيۋى كۇتىلەدى, ەلىمىزدىڭ باتىسىندا, سولتۇستىك-باتىسىندا, سولتۇستىگىندە داۋىل تۇرىپ, بۇرشاق جاۋى مۇمكىن», دەپ حابارلادى مەتەورولوگتار.
سولتۇستىكتە, الماتى وبلىسىنىڭ ورتالىعىندا, جەتىسۋ وبلىسىندا, تۇركىستاننىڭ وڭتۇستىگىندە, قىزىلوردا, شىعىس قازاقستان وبلىستارىندا, ۇلىتاۋ, اباي وبلىستارىنىڭ باتىسى مەن سولتۇستىگىندە, جامبىل وبلىسىنىڭ شىعىسىندا اپتاپ ىستىق كۇتىلەدى.
