فوتو: Zakon.kz
بۇل تۋرالى ۇكىمەت وتىرىسىنان كەيىن ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا ايتتى.
باق وكىلدەرى مينيستردەن: «ەلىمىزدىڭ بىرقاتار وڭىرىندە ۋاقىت بەلدەۋىنىڭ اۋىسۋىنا بايلانىستى جۇمىس ۋاقىتىن ءبىر ساعاتقا ەرتە باستاۋعا قاتىستى ۇسىنىستار ءتۇسىپ جاتىر. ويتكەنى قىستىگۇنى قاراڭعى ەرتە تۇسەدى. وسى ۇسىنىسقا قالاي قارايسىز؟ ەڭبەك مينيسترلىگىنىڭ جوسپارى قانداي؟», دەپ سۇرادى.
«مينيسترلىككە وسى ماسەلەگە قاتىستى حاتتار ءتۇسىپ جاتىر, ءبىز ولارعا جاۋاپ بەرەمىز. جۇمىس بەرۋشى مەن جۇمىسشىنىڭ اراسىندا كەلىسىمشارت بار, جۇمىس كەستەسىن ەكى جاق بىرگە جاسايدى. سوندىقتان قاراڭعىدا جۇمىس ىستەمەۋ ءۇشىن جۇمىس بەرۋشىمەن كەلىسىپ, جۇمىس كەستەسىن قايتا قاراۋعا بولادى. نەگىزى بۇل كۇردەلى سۇراق ەمەس», دەدى سۆەتلانا جاقىپوۆا.
سونداي-اق ۆەدوموستۆو باسشىسى جەكە جانە بيۋدجەتتىك مەكەمەلەرگە جۇمىستى ءبىر ساعات ەرتە باستاۋ ۇسىنىلعانىن ايتتى.
«ۇسىنىس بەردىك, ياعني جۇمىس ءبىر ساعاتقا ەرتە باستالۋى مۇمكىن. كەلىسىمشارت ەكىجاقتى جاسالادى. ول ەڭبەك كودەكسىندە جازىلعان, بارلىعى زاڭعا سايكەس بولۋى كەرەك», دەدى ەڭبەك جانە حالىقتى الەۋمەتتىك قورعاۋ ءمينيسترى.
