فوتو: gov.kz
ەسكە سالايىق, وسى جىلدىڭ 1 قاڭتارىنان ايلىقتارى تاريف ەسەبىنەن تولەنەتىن «قازسۋشار» ماماندارىنىڭ ەڭبەكاقىلارى ورتا ەسەپپەن 23%-عا كوتەرىلگەن ەدى. ناتيجەسىندە, كاسىپورىن قىزمەتكەرلەرىنىڭ جالپى سانىنىڭ 47%-ىنىڭ ايلىعى ۇلعايعان. بۇل ارنالار ارقىلى سۋارمالى سۋ جەتكىزۋدى قامتاماسىز ەتەتىن ماماندار.
«مينيسترلىك كادر جەتىسپەۋشىلىگى ماسەلەسىن شەشۋ ماقساتىندا سۋ سالاسى ماماندىقتارىنىڭ تارتىمدىلىعىن ارتتىرۋ ءۇشىن بىرقاتار ءىس-شارالاردى جۇزەگە اسىرىپ جاتىر. ماسەلەن, «قازسۋشار» قىزمەتكەرلەرىنىڭ ەڭبەكاقىسى رەسپۋبليكالىق بيۋدجەتتەن جانە تاريف ەسەبىنەن دە كەزەڭ-كەزەڭىمەن ۇلعايىپ وتىر. بۇدان بولەك, سالاداعى ماماندار بىلىكتىلىك ارتتىرۋ كۋرستارىنان وتەدى. بيىل 450 مامان ارنايى كۋرستاردان ءوتۋى ءتيىس», دەدى مينيسترلىكتىڭ رەسمي وكىلى ءمولدىر ابدۋاليەۆا.
